Апэрэ къанал
ИскусствэхэмкIэ Адыгэ республикэ колледжэу У.Хь. Тхьабысымэм ыцIэ зыхьырэр ыкIи искусствэм зегъэушъомбгъугъэнымкIэ Гупчэу «Шпаргалкэр» къэзыухыгъэхэ Валерия Петровар Апэрэ каналым ипроектэу «Макъэ» («Голос») зыфиIорэм ифиналныкъо ихьагъ. IэкIыб къэрал композиторэу Сэм Браун иорэдэу «Stop!» зыфиIорэмкIэ ар пхырыкIыгъ.
— Валерие сценэм къытехьэ къэси ымакъэ кIочIэшхо зэриIэр, артистизмэгъэ инэу къыдэхъугъэу хэлъыр къегъэлъагъо. Ащ гъэхъагъэу ышIыхэрэм тарэгушхо, текIоныгъэр къыдихынышъ, тын шъхьаIэр къыхьынэу тыфэлъаIо, — къыщыхагъэщыгъ АР-м культурэмкIэ и Министерствэ.Валерия Петровар непэ, мэлылъфэгъум и 17-м, пчыхьэм сыхьатыр 21:45-м Апэрэ каналым щыкIощт финалныкъом хэлэжьэщт. Адыгеим щыпсэухэрэм ащ амакъэхэр фатынхэ алъэкIыщт мыщкIэ: www.ltv.ru/shows/golo…