Пчъагъэр зэфэдиз

ФутболымкIэ Урысыем ипэрытныгъэ икъыдэхын­кIэ ятIонэрэ лигэм хэт Мыекъопэ «Зэкъошныгъэм» зичэзыу турым къыдыхэлъытэгъэ ешIэгъоу иIагъэр Ростов хэкум ипсэупIэу Абрамовкэм щыкIуагъ. Тикомандэ IукIагъ луганскэ «Зарям».

«Заря» — «Зэкъошныгъ» — 1:1 (0:0).Къэлапчъэм Iэгуар дэзыдза­гъэ­хэр: Титаренкэр (я 70-рэ такъикъым), Делэкъор (я 76-рэ такъикъым).«Зарям» хэтыгъэх: Микитюк (къэлэпчъэIут), Кукановыр, Скрыпниковыр, Гогниевыр, Наниевыр, Запорожец, Агаповыр (Войцеховскэр), Романовыр (Глущенкэр), Демченкэр, Титаренкэр, Захаровыр (Касаевыр, Шоларь).

Тренер шъхьаIэр — Алексей Мулдаровыр.«Зэкъошныгъэм» щешIагъэх: Хачировыр (къэлэпчъэIут), Чер­джиевыр, Юшко (Зезэрахьэр), Хьэхыр (Iащэр), Цанава, Солоп, Къонэр (Казаровыр), Коблыр, Делэкъор, Датиевыр (ХъуакIор), Васильевыр.Тренер шъхьаIэр — Александр Кайвановыр.Апэрэ такъикъхэм къащегъэ­жьагъэу командэхэр цыхьэшIэ­гъоу ешIагъэх, якъэлапчъэ къаухъумэным нахь пылъыгъэх. Ау я 70-рэ такъикъым «Зарям» хэт Валерий Титаренкэр къэлапчъэм метрэ 18 фэдизкIэ пэчыжьэу къыдэуагъ ыкIи ащ Iэгуаор дидзагъ, пчъа­гъэр 1:0 хъугъэ. Бысымхэм очкоуищ къахьыным пэблэгъагъэх, ау «Зэкъошныгъэр» ащ къезэгъы­гъэп. Тифутболистхэм яешIакIэ рагъэхъугъ, я 76-рэ такъикъым Никита Васильевыр ухъумакIохэм аIэкIэкIи, Делэкъо Аскэр Iэгуар IэкIигъэхьагъ, бэрэ емыгупшысэу ар къэлапчъэм дэуагъ ыкIи пчъа­гъэр зэфэдиз ышIыгъ. ЗэIукIэ­гъур 1:1-у аухыгъ.Астрахань, Хасавюрт ыкIи Ростов хэкум ипсэупIэу Песчанокопскэм ащыкIогъэ зэIукIэгъу­хэр пчъагъэр зэфэдизэу аухы­гъэх. «Севастополь» ящэнэрэ текIоныгъэр къыдихыгъ. Джащ фэдэу очко щырыщ къахьыгъ «Нартым», «ПСК-м» ыкIи «Шахтерым»Я 3-рэ турым изэфэхьысыжьхэр:«Ростов-2» — «Нарт» — 0:1, «Шахтер» — «Ангушт» — 1:0, «Заря» — «Зэкъошныгъ» — 1:1, «Астрахань» — «Рубин Ялта» — 0:0, «Победа» — «Кызыл- таш» — 0:0, «Нефтяник» — «Севастополь» — 0:3, «Чайка-М» — «Спартак-Налщык» — 1:1, «Динамо-2» — «ПСК» — 0:1.«Севастополь» пэрытныгъэр ыIыгъ, ащ ыуж итых «Спартак-Налщык» ыкIи «Кызылташ». «Зэкъошныгъэр» я 8-рэ чIыпIэм щыт. Зичэзыу ешIэгъоу ащ иIэщтыр мэлылъфэгъум и 18-м Мыекъуапэ щыкIощт, командэу «Ростов-2-р» тихьакIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Севастополь» — 9
2. «Спартак-Налщык» — 7.
3. «Кызылташ» — 7.
4. «Нарт» — 6.
5. «Шахтер» — 6.
6. «ПСК» — 6.
7. «Ангушт» — 6.
8. «Зэкъошныгъ» — 4.
9. «Рубин Ялта» — 4.
10. «Ростов-2» — 3.
11. «Динамо-2» — 3.
12. «Нефтяник» — 3.
13. «Чайка-М» — 1.
14. «Астрахань» — 1.
15. «Победа» — 1.
16. «Заря» — 1.