МедалитIу къахьыгъ

Мы спорт лъэпкъымкIэ ду­на­­им ичемпионатрэ ипервенствэрэ къалэу Орел щыкIуагъэх.

Зэнэкъокъухэм кIэщакIо афэхъугъэх Урысыем спортымкIэ и Министерствэрэ кара­тэмкIэ Дунэе федерациемрэ.

Зэнэкъокъухэм спортсмен 3000-м ехъу ахэлэжьагъ. Ахэр Австрием, Азербайджан, Анголэ, Казахстан, Армением, Камерун, Киргизием, Германием, Грецием, Грузием, Индием, Иран, Конго,

Кубэ, Тунис, Тыркуем, нэмыкI къэралыгъохэм къарыкIыгъэх. Джащ фэдэу Урысыем ишъолъыр 83-мэ ялIыкIохэм заушэтыгъ.

Дунаим ипервенствэ хэлэжьэгъэ Урысыем ихэшыпыкIыгъэ командэ хэтыгъэх Адыге­им щыщ спортсмениплI. Ахэм ятренерых Владимир Васильченкэмрэ Лъэустэнджэл Амиррэ. Республикэм илIыкIохэм медалитIу къахьыгъ. Илъэс 12 — 13 зыныбжьхэм якуп хэтыгъэ Адыгэ республикэ гимназием икIэлэеджакIоу Пако Астемир дэгъу дэдэу зыкъыгъэлъэгъуагъ, дышъэ медаль къыхьыгъ. БлэкIыгъэ илъэсым зэхащэгъэ дунэе зэнэ­къокъум тикIалэ апэрэ чIыпIэр къыщыди­хыгъагъ. Илъэс 14 — 15 зыныбжьхэм якуп хэтыгъэ Лев Кубабшевым джэрз медаль къыфагъэшъошагъ. Ар Мыекъуапэ илицееу N 19-м щеджэ.

Тыгъэгъазэм и 17-м А. И. Саламатиным ишIэжь фэгъэхьыгъэ турнир Мыекъуапэ щызэхащэщт, тиспортсменхэм ащ зыфа­гъэхьазыры.