Урысыем и Следственнэ комитет иследственнэ ГъэIорышIапIэ иследственнэ отделэу Мыекъуапэ щыIэм икъулыкъушIэхэм псыхъоу Шъхьэгуащэ инэпкъ ефэхыгъэ автомобилым иводитель ылъэныкъокIэ уголовнэ Iоф къызэIуахыгъ.
Следствием зэригъэунэфыгъэмкIэ, машинэу «Шевроле Нива» зыфиIорэм ируль кIэрысыгъэ хъулъфыгъэр ешъогъагъ. Ащ къыхэкIыкIэ автотраспортыр фэмыгъэIорышIэу дэчъэхи, псыхъом инэпкъ ефэхыгъ. Мы хъугъэшIагъэм ыпкъ къикIыкIэ илъэс 16 зыныбжь пшъэшъэжъыем шъобжхэр тещагъэхэ хъугъэ, илъэс 34-рэ зыныбжь бзылъфыгъэм идунай ыхъожьыгъ, илъэси 10 зыныбжь шъэожъыем джыри лъэхъух.
Автомобилым иводитель аубытыгъ, хэбзэухъумакIохэм уголовнэ Iофым изэхэфын лъагъэкIуатэ.