Адыгэ Республикэм и ЛIышъхьэ ишIухьафтын зэрылъ зэнэкъокъур ыкIэм фэкIо. 
БлэкIыгъэ турым Адыгэ къэралыгъо университетым икомандэ «Урожаим» 2:2-у дешIагъ. Адрэ зэIукIэгъухэм пэрытныгъэ зыIыгъэхэр щатекIуагъэх. «Адыгэкъалэ» «Сириусым» дешIагъ ыкIи 3:2-у текIоныгъэр къыдихыгъ. «Чэчэнаир» командэу «Тэхъутэмыкъуаем» Пэнэжьыкъуае щыIукIагъ ыкIи 2:1-у текIуагъ. Апэрэ чIыпIэм щыт «Кавказым» 4:1-у «Мыекъуапэ» къышIуихьыгъ.
Джырэ уахътэм ехъулIэу «Кавказыр» апэрэ чIыпIэм щыт. Ар чемпион хъуным пае апэрэ турым къыдыхэлъытэгъэ ешIэгъоу «Урожаим» дыриIэщтыр къыхьын фае.
Командэхэр зыдэщыт чIыпIэхэр ыкIи очко пчъагъэу рагъэкъугъэр:
1. «Кавказ» — 36.
2. «Урожай» — 34.
3. «Чэчэнай» — 30.
4. «АГУ» — 26.
5. «Адыгэкъал» — 19.
6. «Тэхъутэмыкъуай» — 15.
7. «Кощхьабл» — 15.
8. «Сириус» — 6.
9. «Мыекъуапэ» — 6.
Я 16-рэ турым къыдыхэлъытагъэу командэхэу «Тэхъутэмыкъуай» ыкIи «АГУ» зыфиIохэрэр непэ Инэм щызэIукIэщтых. Адрэ ешIэгъухэр шэкIогъум и 12-м щыIэщтых. «Урожаир» «Адыгэкъалэ», «Сириусыр» «Мыекъуапэ» адешIэщтых. ЗэIукIэгъухэр мафэм сыхьатыр 2-м рагъэжьэщтых.