ТекIоныгъэр къыдэзыхыщтыр къэшIэгъуае

Редактор,

Адыгэ Республикэм и ЛIышъхьэ ишIухьафтын зэрылъ зэнэкъокъум ия 15-рэ тур къыдыхэлъытэгъэ ешIэгъухэр командэхэм яIагъэх.

Пэрытныгъэр зыIыгъыр Красногвардейскэ районыр къэзыгъэлъэгъорэ «Кавказыр» ары. Ащ блэкIыгъэ зыгъэпсэфыгъо мафэхэм ешIэгъуитIу иIагъ. Апэ «Тэхъутэмыкъуаем» 2:1-у, етIанэ «Адыгэкъалэ» 6:2-у атекIуагъ. Адыгэ къэралыгъо университетыр «Сириусым» дешIагъ ыкIи 8:0-у текIоныгъэр къыдихыгъ. «Урожаим» ешIэгъу анахь макIэ иIагъ, ау ар пэрытныгъэ зыIыгъым кIэхьан ыкIи текIын ылъэкIыщт. Ащ зэIукIэгъуи­тIоу иIагъэр къыхьыгъ, «Чэчэнаим» 2:1-у ыкIи «Мыекъуапэ» 5:0-у атекIуагъ. Джырэ уахътэм хагъэ­унэфыкIырэ чIыпIэхэм команди 4 афэбанэ. ТекIоныгъэр къыдэзыхыщтыр аужырэ турым къэнэфэнкIэ енэгуягъо.

Зэнэкъокъур шэкIогъум и 18-м аухыщт. Я 16-рэ турым къыдыхэ­лъытагъэу шэкIогъум и 4-м «Адыгэкъалэ» «Сириусым»», «АГУ-р» «Урожаим» адешIэщтых. ШэкIогъум и 5-м «Чэчэнаир» «Тэхъу­тэмыкъуаем», шэкIогъум и 9-м «Мыекъуапэр» «Кавказым» аIукIэщтых. ЕшIэгъухэр мафэм сыхьатыр 2-м рагъэжьэщтых.

Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Кавказ» — 33.
2. «Урожай» — 30.
3. «Чэчэнай» — 27.
4. «АГУ» — 25.
5. «Адыгэкъал» — 16.
6. «Тэхъутэмыкъуай» — 15.
7. «Кощхьабл» — 15.
8. «Сириус» — 6.
9. «Мыекъуапэ» — 3.

ЫпшъэкIэ къызэрэхэдгъэщы­гъэу, командэхэм ешIэгъу пчъагъэу яIагъэр зэфэдизэп.