Сэкъатныгъэ зиIэхэм азыфагу зэхащэрэ зэнэкъокъоу «Абилимпикс-2023» зыфиIорэм и Лъэпкъ чемпионат Москва щыкIуагъ. Адыгеир нэбгыритIумэ къагъэлъэгъуагъ.
КIэлэеджакIохэм язэнэкъокъу илъэныкъоу «Тхыгъэм Iоф дэшIэгъэныр» зыфиIорэмкIэ ятIонэрэ чIыпIэр къыдихыгъ республикэм щыщ Богдан Одинцовым. «Маляр гъэлэн IофшIэныр» зыфиIорэмкIэ ящэнэрэ хъугъэ Адыгеим илIыкIоу Александр Лашиныр.
— ТикIалэхэм дэгъу дэдэу зыкъагъэлъэгъуагъ, IэпэIэсэныгъэшхо зэрахэлъыр къаушыхьатыгъ. Мы къэгъэлъэгъонышIухэр IофшIэнышхом изэфэхьысыжьых. «Абилимпиксым» хэлэжьагъэхэм, ахэм янэ-ятэхэм ыкIи зыгъасэхэрэм сафэгушIо, — къыщитхыгъ Адыгэ Республикэм и ЛIышъхьэу КъумпIыл Мурат и Телеграм-нэкIубгъо.