МедалитIу къахьыгъ

Урым-рим бэнэнымкIэ спортсмен ныбжьыкIэхэм язэнэкъокъу Краснодар краим ипсэупIэу Варениковскаям щыкIуагъ.

Тэхъутэмыкъое спорт еджапIэу N 1-м зыщызыгъэсэхэрэ ЛъэпцIэрышэ СултIанрэ ЛIыIужъу Азбекрэ зэнэкъокъум хэлэжьагъэх ыкIи гъэхъэгъэшIухэр ашIынхэр афызэшIокIыгъ.

Тигъунэгъу краим ыкIи Адыгеим ялIыкIохэр ары зэнэкъокъум зыщызыушэтыгъэхэр. ЛъэпцIэрышэ СултIанрэ ЛIыIужъу Азбекрэ гъэхьазырыныгъэ дэгъу зэряIэр къагъэлъэгъуагъ, тIуми ятIонэрэ чIыпIэхэр къыдахыгъэх. КIалэхэм ятренерых Зэрамыку Руслъан, ЛъэпцIэрышэхэу Чэсэбыйрэ Арамбыйрэ.