Нэбгырэ 50-м ехъу хэлэжьагъ

Урысые Iофтхьабзэу «Папа в ТОПе» зыфиIорэм Мыекъуапэ хэлэжьагъ.

Тхьаумэфэ пчэдыжьым респуб­ликэ стадионэу «Зэкъошныгъэм» дэжь мы мэфэкIыр зыфэгъэхьыгъэхэр — тыхэр къыщызэрэугъо­игъэх. Ахэм яунагъохэри, зэкIэмкIи нэбгырэ 50-м ехъу, Iофтхьабзэм хэлэжьагъэх.

Тыхэм ясабыйхэр ягъусэхэу зы километрэ къачъыгъ. Ащ ыпэ­кIэ Мыекъопэ спорт еджапIэу С.М. Джэнчатэм ыцIэ зыхьырэм итренерэу Бзаго Рустам пэщэныгъэ адызэрихьэзэ зарядкэ ашIыгъ. Ныхэми алъэкI къагъэнагъэп, Iофтхьабзэр зэрэкIорэм сурэтхэр ыкIи видео тырахыгъ. Ным и Мафэ ехъулIэу мыщ фэдэ Iофтхьабзэ зэхащэныр къэзэрэугъоигъэхэм игъоу алъытагъ.

«Папа в ТОПе» зыфиIорэм кIэщакIо фэхъугъэх Урысые общественнэ-къэралыгъо движе­ниеу «Движение Первых» зыфиIо­рэмрэ Мыекъуапэ физическэ культурэмкIэ ыкIи спортымкIэ и Комитетрэ.