«Зэкъошныгъэр» апэрэ чIыпIэм щыт

ФутболымкIэ Урысыем изэнэкъокъу иятIонэ­рэ лигэ щешIэрэ командэхэм зичэзыу ешIэ­гъухэр яIагъэх.

Я 13-рэ турым Мыекъопэ «Зэкъошныгъэр» «Биолог-Новокубанск» дешIагъ ыкIи текIоныгъэр къыдихыгъ. Ащ ишIуагъэкIэ республикэм икомандэ апэрэ чIыпIэм уцугъэ.
«Биолог-Новокубанск»
(п. Про­гресс) — «Зэкъош­ныгъ» (Мыекъуапэ) 0:1.
Iэгуаор къэлапчъэм дадзэнымкIэ командэхэм амылыбэ яIагъэп. Ау «Зэкъошныгъэм» ар зэ фызэшIокIыгъ, я 91-рэ такъикъым Магомеднаби Ягьяевым пчъагъэр къызэIуихыгъ ыкIи нэужым ар зэблэхъугъэ хъугъэп.

— ТекIоныгъэр къыдэтхынэу тыфэягъ. Зэнэкъокъум иапэрэ едзыгъо «Биолог-Новокубанскэр» тэщ нахь лъэшыгъ, ар къыдэтлъы­тэзэ мы ешIэгъум зыфэдгъэхьазырыгъ ыкIи очкоуищ къызэрэтхьыгъэм сэ сшъхьэкIэ лъэшэу сигъэрэзагъ, — къыIуагъ Мые­къопэ «Зэкъошныгъэм» итренер шъхьаIэу Беслан Аджинджал.
Я 13-рэ турым изэфэхьысыжьхэр:

«Биолог-Новокубанск»
(п. Прогресс) — «Зэкъош­ныгъ» (Мыекъуапэ) — 0:1, «Динамо Ставрополь» — «СКА» (Рос­тов-на-Дону) — 0:2, «Севастополь» — «Рубин» (Ялта) — 1:0.

Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «Зэкъошныгъ» — 23.
2. «Кубань Холдинг» — 21.
3. «Рубин» — 20.
4. «Севастополь» — 17.
5. «Биолог-Новокубанск» —14.
6. «СКА» — 13.
7. «Динамо Ставрополь» — 4.