Шъолъыри 9-мэ ялIыкIохэр хэлэжьагъэх

Проектэу «С клинком в руках к вершине Олимпа» зыфиIорэм къыдыхэлъытагъэу фехтованиемкIэ турнир Тэхъутэмыкъое районым ипо­селкэу Инэм щыкIуагъ.

Урысыем ишъолъыри 9-мэ къарыкIыгъэ спортсмен 274-рэ ащ хэлэжьагъэх.

Адыгэ Республикэр, Краснодар ыкIи Ставрополь крайхэр, Севастополь, Дагъыстан, Къырым, ДНР-р, Воронежскэ ыкIи Ростов хэкухэр къэзыгъэлъэгъогъэ командэхэм заушэтыгъ.

НыбжьыкIэхэм яхэгъэгу шIу алъэгъоу пIугъэнхэр, мы спорт лъэпкъым пыщагъэхэм япчъагъэ нахьыбэ шIыгъэныр ары зэхэщакIохэм пшъэрылъ шъхьаIэу яIагъэр.