ТекIоныгъэр къыдихыгъ

Урысыем ичемпионат хэлэжьэрэ «АГУ-Адыифыр» Москва икомандэу «Лучым» дешIагъ ыкIи текIоныгъэр къыдихыгъ.

«Луч» (Москва) – «АГУ-Адыиф» (Мыекъуапэ) — 30:36 (13:18).

Наталья Дерипаскэр зипэщэ ко­­мандэр апэрэ таймым дэгъу дэ­дэу ешIагъ. Хабзэ зэрэхъугъэу, типшъа­шъэхэм анахь къахэщыгъэр Али­са Дворцеваяр ары. Ар гъого­гъу 13-рэ къэлапчъэм дэуагъ, ащ щыщэу 12-р дидзагъ. Къэлэ­пчъэIутхэу Екатерина Пивневамрэ Людмила Баскаковамрэ цыхьэ­шIэгъоу ешIагъэх. «Лучыр» къэла­пчъэм нахьыбэрэ дэуагъ, ау дидзэн ылъэкIыгъэр нахь макI. Мыекъуапэ илIыкIохэм адзыгъэм щыщэу процент 81-р къэлапчъэм дэфагъ. Мы зэIукIэгъум ыуж «АГУ-Ады­ифыр» я 9-рэ чIыпIэм къэ­кIуагъ.

Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

1. «Ростов-Дон» — 10.
2. «ЦСКА» — 10.
3. «Лада» — 10.
4. «Астраханочка» — 8.
5. «Кубань» — 6.
6. «Черноморочка» — 6.
7. «Динамо-Синара» — 4.
8. «Звезда» — 4.
9. «АГУ-Адыиф» — 2.
10. «Ставрополье» — 0.
11. «Луч» — 0.
12. «Университет» — 0.

Чъэпыогъум и 2-м пчыхьэм сыхьа­тыр 6-м «АГУ-Адыифыр» «Универ­ситет» (Ижевск) Мыекъуа­пэ щыIукIэщт.