БзэджашIэхэм пшъэдэкIыжь зыщарагъэхьырэ колонием ипащэ игуадзэу щытыгъэм ылъэныкъокIэ Урысыем и Следственнэ комитет и Следственнэ гъэIорышIапIэу Адыгэ Республикэм щыIэм уголовнэ Iоф къызэIуихыгъ. ГъэпцIагъэ зыхэлъ бзэджэшIагъэ зэрихьагъэу ащ егуцафэх.
Урысыем щынэгъончъэнымкIэ икъулыкъу и ГъэIорышIапIэу Адыгеим щыIэмрэ ФСИН-м АдыгеимкIэ и ГъэIорышIапIэрэ аугъоигъэ материалхэм уголовнэ Iофыр къакIэлъыкIуагъ.
Следствием зэригъэунэфыгъэмкIэ, 2023-рэ илъэсым жъоныгъуакIэм хьапс зытыралъхьагъэхэм ащыщым ыпшъэкIэ зигугъу къэтшIыгъэ колонием ипащэ игуадзэ лъэIукIэ зыкъыфигъэзагъ. Иуахътэ къэмысыгъэу хьапсым къыдагъэкIыжьыным фэшI ищыкIэгъэ тхьапэхэм ягъэхьазырынкIэ IэпыIэгъу къыфэхъунэу ар елъэIугъ. БзэджэшIагъэ зезыхьагъэу зэгуцафэхэрэр ащ къезэгъыгъ, ау ахъщэ ищыкIагъэу гуригъэIуагъ. Ау ыIуагъэр зэримыгъэцэкIэжьыщтыр ащ ышIэщтыгъ. Хьапсым дэсым пащэм ибанк счет ахъщэр фыригъэхьагъ, ар мыдрэм зэрэфаеу ыгъэфедагъ.
Джырэ уахътэм уголовнэ Iофым изэхэфын следствием лъегъэкIуатэ.