Полицием икъулыкъушIэхэм пэшIорыгъэшъ Iофтхьабзэхэр рагъэкIокIыхэзэ Шэуджэн районым ит къуаджэу Мамхыгъэ иурамхэм ащыщ къырычъэщтыгъэ автомобилыр къагъэуцугъ. Ар зезыфэщтыгъэ илъэс 31-рэ зыныбжь хъулъфыгъэм дэгущыIэхэзэ ар ешъуагъэу егуцэфагъэх. Медицинэ уплъэкIунхэми ар къагъэшъыпкъэжьыгъ.
ГъогурыкIоныр щынэгъончъэнымкIэ Къэралыгъо автоинспекцием ибазэкIэ хъулъфыгъэр ауплъэкIугъ ыкIи, къызэрэчIэщыгъэмкIэ, ыпэкIи ар ешъуагъэу рулым кIэрысэу къаубытыгъагъ.
Хабзэр зыукъуагъэм иавтомобиль Iахыгъ, джы ащ илъэси 3-м нэс хьапс къыхьын ылъэкIыщт.