Адыгэ Республикэм футболымкIэ ичемпионат хэлажьэхэрэм ешIэгъу тIурытIу яIагъ. ЗэхэщакIохэм зэрагъэнэфагъэу, командэ пэпчъ нэбгырий хэт.
Зэнэкъокъум команди 8 хэлажьэ, ахэр купитIоу гощыгъэх. Купэу «А-м» щешIэрэ «Майкоп Юнайтед» зыфиIорэр «Спортмастер-2-м» IукIагъ ыкIи 4:1-у текIоныгъэр къыдихыгъ. ЗэIукIэгъум иешIэкIо анахь дэгъоу къыхахыгъэр Мазлэ Арсен.
Мы купым щешIэхэрэ «Спортмастерымрэ» «Блащэпсынэрэ» ушъхьагъу гъэнэфагъэкIэ язэIукIэгъу зэкIахьагъ.
Купэу «Б-м» хэт командэхэм яешIэгъухэм къадыхэлъытагъэу «Кавказыр» «Интерым» дешIагъ ыкIи 2:1-у текIуагъ. «Лигионымрэ» «Чэчанрэ» язэIукIэгъу 2:2-у аухыгъ. Джы мыщ къыкIэлъыкIорэ ящэнэрэ турыр гъэшIэгъон зэрэхъущтым щэч хэлъэп.
Командэхэр зыдэщыт чIыпIэхэр ыкIи очко пчъагъэу рагъэкъугъэр:
Купэу «А-р»:
1. «Майкоп Юнайтед» — 6.
2. «Спортмастер-2» — 3.
3. «Спортмастер» — 0.
4. «Блащэпсын» — 0.
Купэу «Б-р»:
1. «Легион» — 4.
2. «Кавказ» — 4.
3. «Чэчан» — 2.
4. «Интер» — 0.
ЯтIонэрэ турым изэфэхьысыжьхэм къызэрагъэлъагъорэмкIэ, финалныкъом фэбэнэн зымылъэкIыщт командэ закъор «Интер» зыфиIорэр ары. Шъугу къэдгъэкIыжьын, турнирым текIоныгъэр къыщыдэзыхырэм зэнэкъокъум и Урысые едзыгъоу шэкIогъум ипэубэ Шъачэ щыкIощтым Адыгэ Республикэр къыщигъэлъэгъощт.