СССР-м спортымкIэ имастерэу, Пшызэ физическэ культурэмкIэ ыкIи спортымкIэ изаслуженнэ IофышIэу Василий Самарчиевым фэгъэхьыгъэ зэнэкъокъухэр Анапэ щыкIуагъэх. Адыгэ Республикэр къэзыгъэлъэгъогъэ Тэхъутэмыкъое районым ибэнакIохэм гъэхъэгъэшIухэр ашIыгъэх, медальхэр къахьыгъэх.
Мы илъэсым зэхащэгъэ турнирым къэралыгъом ишъолъыр 28-мэ къарыкIыгъэ спортсменхэр хэлажьэх, ахэр нэбгырэ 300 фэдиз мэхъух. Тэхъутэмыкъое районым олимпийскэ резервымкIэ испорт еджапIэ илIыкIохэм медалитIу къахьыгъ. Къахэщыгъэхэр Барцо Рустамрэ Даниил Табункинымрэ. Ахэм ятренерыр НатIэкъо Шумаф.