УФ-м и УIэшыгъэ КIуачIэхэм зэзэгъыныгъэмкIэ къулыкъу ащызыхьы зышIоигъохэр къалэу Мыекъуапэ идзэ комиссариат регъэблагъэх.
2023-рэ илъэсым Iоныгъом и 16-м къыщегъэжьагъэу зэзэгъыныгъэм кIатхэрэм муниципалитетым ыцIэкIэ ахъщэ тедзэу сомэ мини 105-рэ ратыщт. Ащ пае Мыекъуапэ идзэ комиссариат иучет ухэтын фае. Муниципальнэ образованиеу «Къалэу Мыекъуапэ» зыфиIорэм ущытхыгъэн ищыкIагъэп.
Шъугу къэдгъэкIыжьын, зэзэгъыныгъэ шIыкIэм тетэу къулыкъу зыхьыхэрэм УФ-м зыкъэухъумэжьыгъэнымкIэ и Министерствэ зэтыгъо ахъщэ тынэу сомэ мини 195-рэ ыкIи республикэм сомэ мин 200 араты.
Джы Мыекъопэ дзэ комиссариатым зэзэгъыныгъэ щыкIатхэрэм къыратыщт ахъщэр дыхэтэу сомэ мин 500 къыIэкIэхьащт. ДзэкъулыкъушIэу зэзэгъыныгъэм кIэтхагъэм мазэм илэжьапкIэр сомэ мин 200.
Нахь игъэкIотыгъэ къэбар щыжъугъотыщт Мыекъуапэ идзэ комиссариат. Ар зыдэщытыр: къ. Мыекъуапэ, ур. Комсомольскэр, 217. Тел. 8 (8772) 52-11-27, 8 (8772) 52-11-25.