ХэушъхьафыкIыгъэ дзэ операциер къызежьагъэм къыщыублагъэу зэзэгъыныгъэкIэ къулыкъу хьыгъэныр ныбжьыкIабэм къыхахы.
Хэгъэгур чIыпIэ гузэжъогъу иуцуи, IэпыIэгъу ищыкIагъэ зэ-хъум тицIыфхэр зэрэзэ-къоуцуагъэм урымыгушхон плъэкIырэп. ГуфакIоу къулыкъур зыхьынэу тыгъуасэ гъогу те-хьагъэхэм ащыщ Денис Гера-симовыр. Мы кIалэм ищыIэныгъэ пытэу къулыкъушIэныр зэрэ-хэтыр, гражданскэ пшъэ-дэкIыжьэу иIэр гъэзетэу «Адыгэ макъэм» къыфиIотагъ.
Ар Архангельскэ хэкум ит къалэу Северодвинскэм къы-щыхъугъ ыкIи щапIугъ. Ыныб-жьыкIэ къытефэрэ дзэ къулы-къур зеухым, флотым къулыкъур щихьынэу кIуагъэ. ПсычIэгъ флотым илъэс 12-рэ хэтыгъ. Нэужым базэр зэрэпсаоу Кам-чаткэ щагъэпси, ащ кIожьынхэ фае хъугъэ. Ау ишъхьэгъусэ сабыйхэр (нэбгыри 4 зэдапIу) изакъоу ащ щиIыгъынхэр къин къызэрэфэхъущтхэм фэшI фло-тым къыхэкIыжьыгъ. Надеждэ Адыгеим къыщыхъугъ, игупсэхэр зыдэщыIэхэм къэкIожьынхэу хъугъэ. Денис флотым къызы-хэкIыжьыгъэм мэзи 4 нахь темышIэу я 227-рэ Мыекъопэ артиллерийскэ бригадэм хэхьагъ. ИлъэсиплIэ къулыкъур щихьыгъ, 2021-рэ илъэсым тыгъэгъазэм пенсием кIуагъэ.
Дзэм къызыхэкIыжьыгъэм бэ темышIагъэу хэушъ-хьафыкIыгъэ дзэ операциер рагъэжьагъ ыкIи къулыкъур къыдэзыхьыгъэхэр ащ ащагъэх. Денис ыгукIэ мырэхьатэу «Волонтерская рота Боевого Братства» зыфиIорэм хэхьагъ, шIушIэн Iофтхьабзэхэм чанэу ахэлажьэу ыублагъ. Илъэсым къыкIоцI анахь чIыпIэ плъыр-стырхэм ащыIэ дзэкъулыкъу-шIэхэм шIушIэ IэпыIэгъур афи-щагъ.
— Запорожскэ, Донецкэ, Херсон лъэныкъохэм бэрэ сащыIагъ, — къеIуатэ Денис. — Щыхъурэ-щышIэрэр зэкIэ синэрылъэгъугъ. Синыбджэгъу-хэм, синэIуасэхэм азыныкъор хэушъхьафыкIыгъэ дзэ опе-рацием щыIэх, арышъ, сэ зыщырэхьат чIыпIэм сыщыIэным сезэгъырэп, тиехэм сагоуцощт. Ахэм зы сатырэ садыхэтыным сырэгушхо ыкIи сыгукIи, сшъхьэ-кIи сыфэхьазыр. Ащ дакIоу сиу-нагъо, сигупсэхэм ящыIэныгъэ, ярэхьатныгъэ, ти Хэгъэгу ищынэ-гъончъагъэ къэсыухъумэнхэр сипшъэрылъэу сэлъытэ.
Денис Урысые гвардием и ГъэIорышIапIэу АР-м щыIэм зэзэгъыныгъэм дыкIэтхагъ. Ахэм яподразделениехэм ахэтэу ар Iоныгъом и 13-м гъогу техьагъ.
ДзэкъулыкъушIэм теубытэгъэ пытэ хэлъэу ышIыгъэ лъэбэкъум ишъхьэгъусэ дыригъэштагъ.
— Денис ыгукIи ыпсэкIи дзэ Iофыр икIас, унэм пфисыщтэп. КъызгурэIо ыкIи десэгъаштэ ышIыгъэ лъэбэкъум. Шъыпкъэ, унэм исэу тикIалэхэр зэдэтпIун-хэм сыфэмыеу щытэп. Ау ежь гупсэфырэп, иныбджэгъухэм къин алъэгъоу, ахэм адыримы-гъаштэу, акъомыуцоу рэхьатэу щысыныр фэлъэкIыщтэп, — еIо Надеждэ.
Зэшъхьэгъусэхэм нэбгыриплI зэдапIу. Пшъэшъэ анахьыжъым илъэс 16, ащ къыкIэлъыкIорэм илъэс 15 аныбжь, гурыт кIалэр апэрэ классым ихьагъ, анахьыкIэ пшъэшъэжъыер илъэсищ хъущт. ЯкIэлэцIыкIухэр спортым пыща-гъэхэу, яхэгъэгу шIу алъэгъоу зэрапIущтхэм анаIэ тет.
— СикIалэ дзэ Iофыр къыхи-хынэу зэриIорэм сегъэгушIо, — къеIуатэ Денис. — Ау джыри ар цIыкIу, къэшIэгъуае зэрэхъущ-тыр. Тэ зэрэтфэлъэкIэу тпIущ-тых, едгъэджэщтых, сыд фэдэрэ егъэжьапIэкIи такъоуцощт, тадеIэщт.
Урысые дзэкIолIхэм ясатырэ хэуцоныбэ ичIыгогъухэм джыри къызэрахэкIыщтым кIэлэ ныбжьыкIэм ицыхьэ телъ. Ахэм закъыфигъазэзэ, япсауныгъэ зэрар езыхыщтыр щагъэзыенэу, нахьыжъхэм шъхьэкIафэ афашIынэу, я Хэгъэгу шIу алъэ-гъунэу ыкIи къаухъумэным сы-дигъуи фэхьазырынхэу къяджагъ.
Шъугу къэдгъэкIыжьын, дзэ-къулыкъушIэм иIофшIэн зэри-фэшъуашэу ахъщэ къыкIэкIо. Зэзэгъыныгъэм зэрэкIатхэрэм пае зэтыгъо федеральнэ ахъщэу сомэ мини 195-рэ ыкIи шъолъыр зэтыгъо ахъщэу мин 200 къыфатIупщы. Мазэ къэс лэжьапкIэр сомэ мин 205-рэ, водителым — сомэ мин 211-м, отделением икомандир – мин 232-м къащежьэ. Къулыкъум щашIырэ гъэхъагъэхэр къыды-халъытэх.
IЭШЪЫНЭ Сусан.
Сурэтыр: Яна Касьянова.