Нэбгырэ 27-рэ хэлажьэ

Адыгэ Республикэм шахматхэмкIэ ифедерацие иапэрэ пэщагъэу Джыгунэ Къадырбэч фэгъэхьыгъэ я 21-рэ зэнэкъокъухэр Мыекъуапэ щэкIох.

Мызыгъэгум турнирым нэбгырэ 27-рэ хэлажьэ.

Адыгеим ишахманистхэм ямызакъоу Краснодар краим ипсэупIэ зэфэшъхьафхэм къарыкIыгъэхэ лIыкIохэми мыщ зыщаушэты. Я 6-рэ турым ыуж апэрэ чIыпIэм щытых мы зэнэкъокъум гъогогъу пчъагъэрэ ичемпионэу Апшеронскэ щыщ Александр Цысьрэ 2023-рэ илъэсым Къыблэ федеральнэ шъолъырым ипервенствэ ха­гъэунэфыкIырэ чIыпIэр къыщыдэзыхыгъэ Олеся Сердитыхрэ (Шы­тхьал). Ахэм очко тфырытф рагъэ­къугъ.

Пэрытныгъэр зыIыгъыхэм ауж итых блэкIыгъэ турнирым мы зэ­нэкъокъум текIоныгъэр къыщы­дэзыхыгъэ Антон Литвиновымрэ Адыгеим гъогогъу пчъагъэрэ ичемпионэу Николай Удовиченкэмрэ. ТекIоныгъэр ыкIи хагъэунэфыкIырэ чIыпIэхэр къыдэзыхыгъэхэр шIэ­хэу къэнэфэщтых, кIэух я 9-рэ ту­рыр тхьаумафэм рагъэкIокIыщт.