ХэушъхьафыкIыгъэ дзэ операцием хэлажьэрэ дзэкIолIэу, дзэ-патриотическэ клубэу «Застава» зыфиIорэм спортымкIэ иинструкторэу Алексей Андросовым зыгъэпсэфыгъо уахътэу къыратыгъэр къызфигъэфеди, ыгъэсэрэ кIэлэцIыкIухэм заIуигъэкIагъ.
Алексей Игорь ыкъом кIэлэцIыкIумэ къафиIотагъ реактивнэ системэу «Град» зыфаIорэм икомандирэу зэрэщытыр, Iофэу агъэцакIэрэр зыфэдэр.
Алексей Андросовыр кIэлэцIыкIумэ къяджагъ зэгурыIохэу зэхэтынхэу, Мыекъопэ къэзэкъ отделым иатаман игуадзэу Александр Роговым ыкIи Адыгеим икъэзэкъ ныбжьыкIэмэ я Союз итхьаматэу Екатерина Загорулько адеIэхэзэ ашIынэу, яIофшIэн уасэ фашIынэу. Ахэр ары непэ ныбжьыкIэмэ адэлажьэхэрэр, гъэхъагъэхэр зышIыхэрэр.
Къэзэкъ ныбжьыкIэхэм гъэхъагъэу яIэхэр Алексей къыфаIотагъэх, дзэ-шъоф лагерым зэрэщыIагъэхэр, апэрэ чIыпIэр зэнэкъокъу зэфэшъхьафмэ къазэращыдахыгъэр, Краснодар зэрэкIогъагъэхэр, къушъхьэу Ошъутенэ зэрэдэкIоягъэхэр ыкIи нэмыкIхэр.
Iофтхьабзэм икIэухым зэ- кIэри зэхэтхэу сурэт зытырахыгъ.
Екатерина Загорулько.