ЧIыфэ птелъымэ…

Краснодар краим щыпсэурэ нэбгырэ 990-мэ, Адыгеим щыщэу нэбгырэ 42-мэ электроэнергиеу агъэфедагъэм ыпкIэ игъом зэрамытыгъэм ыпкъ къикIэу зыгъэпсэфыгъо уахътэр зэрэфаехэу агъэфедэн алъэкIыщтэп. ПстэумкIи мыхэм чIыфэу ателъыр сомэ миллион 66-рэ мэхъу.

Электричествэр къэзытIупщырэ хъызмэтшIапIэм шъугу къегъэкIыжьы, ащ ыпкIэ ымытыгъэу сомэ мин 30-м ехъу чIыфэу зэIузгъэкIагъэм иIоф хьыкумым нагъэсын, Урысыем икIын ымылъэкIынэу, банкым къыритыгъэ картэр ымыгъэфедэшъунэу ашIын, электроэнергиеу иунэ екIурэр къагъэуцун фитых.

— ЗэкIэми ашIэ, ыпкIэ умытэу общественнэ транспортым урызекIон плъэкIыщтэп, ахъщэ имылъэу телефоным урыгущыIэ­шъущтэп. Электроэнергиеу бгъэфедагъэм тефагъэр умытымэ, ахэм анахь дэижь пшъэдэкIыжьэу пхьыщтыр. Арышъ, зы­гъэпсэфыгъо мазэу е нахьыбэу къыуатыгъэр мыкIодыным, о узэрэфаеу ар бгъэкIошъуным пае, игъом электроэнергием ыпкIэ птын фае, — къыIуагъ «ТНС энерго Кубань» зыфиIорэм ипащэ игуадзэу Алексей Астафоровым.

IэкIыбым зыщигъэпсэфыным пае путевкэр пэшIорыгъэшъэу зыгъэнэфагъэхэм чIыфэ ателъымэ ауплъэ­кIумэ нахьышIу. «ТНС энерго Кубань» иинтернет нэкIубгъо уихьэмэ ар зэгъэшIэгъуае хъущтэп.

Сурэтыр: «ТНС энерго Кубань» ипресс-къулыкъу