Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!
Славян тхыбзэмрэ культурэмрэ я Мафэ фэшI тышъуфэгушIо!
А мафэм къеушыхьаты Урысыем итарихъ, славян лъэпкъхэм якультурэ икъэкIуапIэхэм лъытэныгъэ зэрафэтшIырэр. ЛIэшIэгъу пчъагъэхэм къакIоцI тхыбзэр культурэм хэхъоныгъэ ышIынымкIэ, шIэныгъэхэр къыткIэхъухьэхэрэм аIэкIэдгъэхьанхэмкIэ мэхьанэшхо зиIэ лъэныкъоу щытыгъ.
Мы мэфэкI мафэр хэдгъэунэфыкIызэ, Урысые къэралыгъом итарихърэ икультурэрэ мэхьанэшхо зэряIэр джыри зэ къыхэтэгъэщы. Урысые обществэм ихэхъоныгъэкIэ, цIыфхэм язэхэшIыкIыныгъэ нахь зыкъыIэтынымкIэ, гушъхьэлэжь баиныгъэхэм нахь ахэхъонымкIэ ар амалышIоу щыт.
Адыгэ Республикэм цIыф лъэпкъ зэфэшъхьафи 100-м ехъумэ ялIыкIохэр щэпсэух, ахэм зэгурыIоныгъэрэ мамырныгъэрэ азыфагу илъ, лъэпкъхэр зэрэзэгурыIохэрэ ыкIи зэрэзэлъыIэсхэрэ бзэу урысыбзэр щыт. Республикэм исхэм язэгурыIоныгъэ гъэпытэгъэнымкIэ урысыбзэр мэхьанэшхо зиIэ лъэныкъоу щыт.
Мы мэфэкIым тапэкIи урысыбзэм лъытэныгъэу фэтшIырэр нахь ерэгъэпыт, хэгъэгум ишIогъэ анахь инхэм ащыщым къыткIэхъухьэхэрэр хэщэгъэнхэмкIэ къэкIопIэшIу орэхъу!
ТичIыпIэгъу лъапIэхэр, зэкIэми тышъуфэлъаIо, псауныгъэ пытэ, насып, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ IофтхьэбзэшIухэм гъэхъагъэхэр ащышъушIынхэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет -— Хасэм и Тхьаматэу Владимир Нарожнэр