Республикэ зэнэкъокъоу «Медицинэ ыкIи фармацевтическэ гурыт гъэсэныгъэ зиIэ IофышIэ анахь дэгъу 2023-рэ» зыфиIорэм зэфэхьысыжьхэр фашIыгъэх.
ЛъэныкъуитфыкIэ ар рагъэкIокIыгъ: «Медсестра шъхьаIэ анахь дэгъур», «Палатэм щылэжьэрэ медсестра анахь дэгъур», «Участковэ медсестра анахь дэгъур», «Фельдшер анахь дэгъур», «Мамыку анахь дэгъур».
Медицинэ учреждение 12-мэ ащылажьэрэ нэбгырэ 15 зэнэкъокъум хэлэжьагъ. ТекIоныгъэр зыфагъэшъошагъэр КIыкI Аминэт Щамсудинэ ыпхъур ары, Адыгэ республикэ сымэджэщым гу-лъынтфэ хирургиемкIэ иотделение ар имедсестра шъхьаI. Джащ фэдэу зэнэкъокъум илауреат хъугъэх Наталья Каплуновскаяр, Джэджэ район сымэджэщым иприемнэ отделение имедсестра, «Фельдшер анахь дэгъур» Людмила Аблец, Адыгэ республикэ сымэджэщым ипрофильнэ бригадэ иподстанцие ифельдшер, «Мамыку анахь дэгъур» Маргарита Погосовар, Мыекъопэ къэлэ сымэджэщым сабыйхэр къызщыхъухэрэм иотделение имамыку, «Участковэ медсестранахь дэгъур» Светлана Павленко, Мыекъопэ район сымэджэщым иучастковэ медсестра. Медицинэм и Мафэ ехъулIэу Адыгэ Республикэм и Къэралыгъо филармоние щыкIощт мэфэкI зэхахьэм зэнэкъокъум текIоныгъэр къыщыдэзыхыгъэмрэ илауреатхэмрэ щагъэшIощтых, бгъэхалъхьэхэр къащаратыжьыщтых.