Нэбгырэ пэпчъкIи, зэрэкъэралыгъоуи мэхьанэ зиIэ мафэхэм ащыщ Хэгъэгум иухъумакIо и Мафэ. Мы мафэм ыкIи хэушъхьафыкIыгъэ дзэ операциер Украинэм зыщаублагъэр илъэс зыщыхъурэм яхъулIэу Урысыем шIушIэ Iофтхьэбзэ зэфэшъхьафхэр щыкIощтых.
ТиреспубликэкIэ мэзаем и 20-м пчэдыжьым сыхьатыр 11-м шIушIэ марафоныр АкъУ-м щырагъэкIокIыщт. Мыр Урысые народнэ фронтыр кIэщакIо зыфэхъугъэ Iофтхьабзэу «ЗэкIэ ТекIоныгъэм пай!» зыфиIорэм изы Iахь. Гухэлъ шъхьаIэу Iофтхьабзэм иIэр хэушъхьафыкIыгъэ дзэ операцием хэлажьэхэрэм IэпыIэгъу афэхъугъэныр ыкIи шъхьафит ашIыжьыгъэ чIыпIэхэм ащыпсэухэрэм адеIэгъэныр ары.
«ЗэкIэ ТекIоныгъэм пай!» зыфиIорэ фондым исчет ахъщэр зыдагъэхьыщтыр. Шъолъыр пэпчъ и QR-кодкIэ ар аугъоищт. А ахъщэмкIэ Адыгеим икIыгъэ дзэкъулыкъушIэхэм шъуашэхэр, Iэзэгъу уцхэр, щыгъын фабэхэр, квадрокоптерхэр афащэфыщтых.
«Адыгея. Проект «Все для Победы!» зыфиIорэ шIушIэ Iофтхьабзэм ипабликхэмрэ ТГ-каналымрэ, «Одноклассники», «ВКонтакте», Телеграм зыфиIохэрэмкIэ шъуакIатх.
Социальнэ хъытыоу «ВКонтакте» зыфиIорэмкIэ зэхэщакIохэм къэтынхэр занкIэу рагъэкIокIыщтых. Ахэм тахэжъугъэлажь!
ХэушъхьафыкIыгъэ дзэ операцием хэлажьэхэрэмрэ мамыр цIыфхэмрэ тиIэпыIэгъу алъытэжъугъэгъэIэс!