Нэбгырэ 50-мэ аратыжьыгъэх

«IофшIэным ыкIи зыухъумэжьыным сафэхьазыр» зыфиIорэ тамыгъэр Мыекъуапэ щыпсэурэ нэбгырэ заулэмэ аратыжьыгъ.

2022-рэ илъэсым мэлылъфэгъум щегъэжьагъэу чъэпыогъум нэс физкультурэ-спорт шапхъэхэр зэрифэшъуашэу зыгъэцэкIагъэхэр ары къыхагъэщыгъэхэр.

Шъугу къэдгъэкIыжьын, Урысыем и Президентэу Владимир Путиным иунашъокIэ ГТО-м ишапхъэхэм ятын 2014-рэ илъэсым рагъэжьэжьыгъ. Ащ псауныгъэр егъэпытэ, физическэ ухьазырыныгъэм хегъахъо, еджэнымкIи, IофшIэнымкIи IэпыIэгъушIу.

Мыекъуапэ физическэ культурэмкIэ ыкIи спортымкIэ и Комитет зэхищэгъэ Iофтхьабзэм нэбгырэ 50-мэ мы тынхэр щаратыжьыгъэх.