ЗэлъашIэрэ урыс композиторэу С.В. Рахманиновыр къызыхъугъэр мыгъэ илъэси 150-рэ хъущт, ар орэдым итамыгъэу зэрэдунаеу щалъытэ.
Мэзаем и 9-м пчыхьэм сыхьатыр 6.30-м Адыгэ Республикэм и Къэралыгъо филармоние Рахманиновым и Илъэс мэфэкI шIыкIэм тетэу къыщызэIуахыщт. Ау композиторым ыцIэкIэ Iофтхьабзэхэр рагъэкIокIыхэу рагъэжьэгъах.
Марышъ, щылэ мазэм и 31-м пчыхьэм сыхьатыр 7-м Московскэ Камернэ залым икъэралыгъо академическэ филармоние къыщатыщт концертэу «Фортепианнэ орэдым ипчыхьэхэр. Филипп Руденко» зыфиIорэм АР-м и Къэралыгъо филармоние цIыфхэр щеплъынхэ алъэкIыщт. Ащ Сергей Рахманиновым ифортепианнэ сонатэу № 2-р, си-бемоль минор къыщырагъэIощт. ЫпкIэ хэмылъэу филармонием цIыфхэр ащ щедэIущтых.
Лъэпкъ проектэу «Культура» зыфиIорэм къыщыдэлъытагъэу Iофтхьабзэр зэхащэ.