Процент 55-кIэ нахьыбэ хъугъэ

Адыгеим цIыфхэр зычIэсыщтхэ унэу щашIыхэрэм япчъа­гъэ хэхъо, илъэсым къыкIоцI ашIыгъэр хэпшIыкIэу нахьыбэ хъугъэ.

Адыгеястатым къызэритыгъэмкIэ, илъэсыр къызихьагъэм къыщыублагъэу псэуалъэу ашIыгъэхэм япроцент 98,3-р цIыфхэр щыпсэунхэм фытегъэпсы­хьагъэх: фэтэр 5026-р квадрат метрэ 441016-рэ зэрэхъурэр, илъэсэу икIыгъэм джырэ илъэхъан фэдэм егъэпшагъэмэ, про­цент 54,6-кIэ ар нахьыб. Ахэм япроцент 73,3-р унэе псэолъэшIхэм ашIыгъ.

«ПсэолъэшIыныр» зыфиIорэ IофшIэн лъэпкъымкIэ 2022-рэ илъэсым ищылэ-чъэпыогъу мазэхэм къакIоцI IофшIэнэу агъэцэкIагъэм сомэ миллион 26165,9-рэ тефагъ. Ыпэрэ илъэсым егъэпшагъэмэ ар зэрэхъурэр про­центи 121,5-рэ», — къыщаIуагъ Адыгеястатым.