АдыгеимкIэ нахь сабыибэ къызыфэхъухэрэр

2022-рэ илъэсым мэзибгъоу пыкIыгъэм Адыгэ Республи­кэм сабый 3314-рэ къыщыхъугъ — шъэожъые 1667-рэ, пшъэшъэжъые 1647-рэ.

Илъэс 25-м къыще­гъэжьагъэу 29-м нэс зыныбжь бзылъфыгъэхэр ары нахь сабыибэ къызыфэхъухэрэр. «Адыгея­статым» къызэритыгъэмкIэ, зыныбжь хэкIотагъэу, илъэс 44-м къехъугъэу сабый къызфэ­хъугъэхэр нэбгырэ пшIыкIутIу.

Мы илъэсым апэрэу ны хъугъэр бзылъфыгъэ 1067-рэ, ятIонэрэу — 1103-рэ, ящэнэрэу — 721-рэ, яплIэнэрэу — 275-рэ, ятфэнэрэу ыкIи ащ на­хьыбэу — 139-рэ.

«Гуфэбагъэрэ гукIуа­чIэрэ уимыIэу ны ухъун плъэкIыщтэп. ШIулъэгъоу ным сабыим фишIырэр, ащ зэрэпылъыр ары унагъор зыгъэпытэрэр, насыпэу кIэлэцIыкIумэ зэха­шIэрэр.

Джащ пае ныхэмрэ сабыйхэмрэ IэпыIэгъоу ядгъэкIырэм изегъэу­шъомбгъун, унагъом мэхьанэу иIэм изыкъе­гъэIэтын дэлэжьэгъэныр Адыге­им исоциальнэ по­лити­кэкIэ анахь шъхьаIэу тштагъэ», — къыкIигъэ­тхъыгъ АР-м и ЛIышъхьэу КъумпIыл Мурат.