Урысые студенческэ форумэу «Твой Ход-2022» зыфиIорэм ифинал Мыекъопэ къэралыгъо технологическэ университетым истуденти 8 ихьагъ.
Президент платформэу «Урысыер — амалышIухэр зыIэкIэлъ къэралыгъу» зыфиIорэм къыдыхэлъытагъэу ар зэхащэ. НыбжьыкIэхэм сэнаущыгъэу ахэлъыр къызыщагъэлъэгъорэ зэнэкъокъоу щыт.
Форумым илъэныкъоу «Делаю» зыфиIорэм ифинал студентхэу ХьакIэмыз Заринэ, Щыгъущэ СултIан, БжьашIо Даринэ ыкIи Борс Къэплъан хэлэжьэщтых, «Определяю» зыцIэмкIэ — Анна Горковенкэм, «Создаю» зыфиIорэм Фарида Мстоевам зыкъагъэлъэгъощт. ШытхьалэкIэ шъолъыр координаторэу Азатуи Хачатрян, «Твой Ход» зыфиIорэмкIэ шъолъыр координаторэу Павел Дорошенкэр Iофтхьабзэхэм ахэлэжьэщтых.
Нэужым зэфэхьысыжьхэр ашIыщтых, анахь къахэщыгъэхэр Москва рагъэблэгъэщтых.
Зэнэкъокъоу «Твой ход» зыфиIорэм ишIуагъэкIэ проектхэр агъэуцух ыкIи агъэцакIэх, апшъэрэ еджапIэхэм ачIэс студентхэр яшIэныгъэхэмкIэ зэдэгуащэх.