ШэкIогъум и 23-м пчэдыжьым сыхьатыр 4.08-м Тыркуем ит къалэу Дюзджэ чIыгур щысысыгъ.
Сейсмологическэ станциеу Истанбул дэтым макъэ къызэригъэIугъэмкIэ, магнитудэу иIагъэр балли 5,9-рэ.
Ар зыщыхъугъэм къыпэблэгъэ шъолъырым тилъэпкъэгъоу Дюзджэм дэсхэр «МэзчIэгъкIэ» еджэх. ЧIыгур анахьэу зыщысысыгъэхэм ащыщ абдзэхэ чылэу Щагуджхьаблэ.
Тилъэпкъэгъоу Дюзджэ дэсхэм къытаIуагъ адыгэ чылэхэм унэ зэхэкъутагъэ зэрадэмытыр, ау бгъагъэ горэхэм ядэпкъхэр зэрэчагъэхэр.
Къалэм щыщ нэбгырэ 68-мэ уIагъэхэр ателъэу сымэджэщхэм ачIэлъых. ДжырэкIэ чIыгусысым нэбгыритIу хэкIодагъэу къытыгъ «РИА Новости» зыфиIорэ къэбарлъыгъэIэс агентствэм.
Шъугу къэдгъэкIыжьын, тиреспубликэ щыщ шIэныгъэлэжьхэм мы къалэм дэт Дюзджэ университетым адыгабзэкIэ щырагъаджэх. Ахэм ащыщ гумэкIыгъо зи хэфагъэп.
(Тикорр.).