АР-м хэдзынхэмкIэ и Гупчэ комиссие тыгъуасэ я XII-рэ зэхэсыгъо иIагъ. Ащ Iофыгъуи 3-мэ щатегущыIагъэх, унэшъо гъэнэфагъэхэр ашIыгъэх. Iофтхьабзэр зэрищагъ АР-м хэ-
дзынхэмкIэ и Гупчэ комиссие и Тхьаматэу Сэмэгу Нурбый.
Мыекъопэ районым ичIыпIэ хэдзэкIо комиссие решающэ голосым ифитыныгъэ зиIэу хэтыгъэм ащыщ чъэпыогъум и 28-м ипшъэрылъхэр ипIалъэ къыпэ къызэригъэтIылъыжьыгъэм къыхэкIэу ащ ычIыпIэ ихьащтхэм ятхьапэхэр аштэнэу аублэгъагъ. Зы нэ-бгырэ зыкъыгъэлъэгъуагъ. ШэкIогъум и 16-м политическэ партиеу «Новые люди» зыфиIорэм АР-мкIэ ишъолъыр отделение кандидатурэ къыгъэлъэгъуагъ. 1986-рэ илъэсым къэхъугъэ Анна Ярковам икандидатурэ комиссием хэтхэм дырагъэштагъ ыкIи Мыекъопэ районым ичIыпIэ хэдзэкIо комиссие решающэ голосым ифитыныгъэ иIэу ар агъэнэфагъ.
Джащ фэдэу АР-м хэдзынхэмкIэ и Гупчэ комиссие иунашъохэм ащыщхэм зэхъокIыныгъэу афэхъугъэхэм Гупчэм исекретарэу ХьацIэцIэ Фатимэ къатегущыIагъ.
ДЕЛЭКЪО Анет.