Журналистикэм ылъэныкъокIэ Адыгэ Республикэм и ЛIышъхьэ ишIухьафтын афэгъэшъошэгъэнымкIэ Комиссием зэхэсыгъоу иIагъэм АР-м и ЛIышъхьэрэ АР-м иминистрэхэм я Кабинетрэ я Администрацие ипащэ игуадзэу Къонэ Заур тхьамэтагъор щызэрихьагъ.
Гъэзетхэм, журналхэм къащыхаутыгъэхэмкIэ, теле-, радиокъэтынхэмкIэ 2022-рэ илъэсым журналистикэм ылъэныкъокIэ Адыгэ Республикэм и ЛIышъхьэ ишIухьафтын зыфэгъэшъошагъэмэ хъущт творческэ IофшIагъэхэр къэгъэлъэгъогъэнхэм ехьылIэгъэ Iофыгъом зэхэсыгъом щыхэплъагъэх.
Гъэзетхэмрэ журналхэмрэ къащыхаутыгъэхэмкIэ журналистикэм ылъэныкъокIэ Адыгэ Республикэм и ЛIышъхьэ ишIухьафтын зыфэгъэшъошагъэмэ хъунэу журналист IофшIэгъи 10 къагъэлъэгъуагъ:
— республикэ гъэзетэу «Советскэ Адыгеим» иобозревателэу Врубель Валерия Юрий ыпхъум къыгъэхьазырыгъэ зэдэгущыIэгъоу «Алий Дедухов: Запросы рынка Азии и Ближнего Востока отличаются от западных стандартов, и это перспективное направление для экспортеров Адыгеи» зыфиIоу гъэзетэу «Советскэ Адыгеим» къихьагъэр (N 60, 08.04.2022);
— республикэ гъэзетэу «Советскэ Адыгеим» иобозревателэу Шрам Надежда Валерий ыпхъум къыгъэхьазырыгъэ зэдэгущыIэгъоу «Разговор с журналистами Донбасса» зыфиIоу гъэзетэу «Советскэ Адыгеим» къыщыхаутыгъэр (N 179, 01.10.2022);
— республикэ гъэзетэу «Советскэ Адыгеим» иобозревателэу Дмитриева Екатерина Юрий ыпхъум истатьяу «Небо — это навсегда» зыфиIоу гъэзетэу «Советскэ Адыгеим» къихьагъэр (N 117, 02.07.2022);
— республикэ гъэзетэу «Адыгэ макъэм» иредактор шъхьаIэу МэщлIэкъо Саидэ Анзаур ыпхъумрэ икорреспондентэу Тэу Замирэ Дзэпщ ыпхъумрэ гъэзетым имэфэкI къыдэкIыгъоу Адыгэ Республикэм ия 100-рэ илъэс ехъулIэу зэдагъэхьазырыгъэр ыкIи гъэзетэу «Адыгэ макъэм» къихьагъэр (N 182, 04.10.2022);
— гъэзетэу «Майкопские новости» иобозревателэу Косенко Юлия Виктор ыпхъум истатьяу «У вершины могучего Оштена» зыфиIоу гъэзетэу «Майкопские новости» къыщыхаутыгъэр (N 103, 20.09.2022);
— гъэзетэу «Майкопские новости» иобозревателэу Косарева Александра Василий ыпхъум истатьяу «Русский бриаллиант на адыгской земле» зыфиIоу гъэзетэу «Майкопские новости» къихьагъэр (N 114, 15.10.2022);
— гъэзетэу «Майкопские новости» иредактор шъхьаIэу Куренина Мария Ким ыпхъум истатьяу «Мирные. Из Мариуполя с любовью» зыфиIоу гъэзетэу «Майкопские новости» къыщыхаутыгъэр (N 116, 20.10.2022);
— гъэзетэу «Единство» исайтрэ исоциальнэ хъытыухэмрэ яредакторэу ПхъэчыешIэ Суандэ Асфар ыпхъум иочеркэу «Долгий путь домой» зыфиIоу гъэзетэу «Единствэм» къихьагъэр (N 92, 14.09.2022);
— гъэзетэу «Единство» иредактор шъхьаIэ ипшъэрылъхэр зыгъэцакIэу Кушъу Аслъан Мурат ыкъом иочеркхэу «Вехи одного века» зыфиIохэу Адыгеим ия 100-рэ илъэс фэгъэхьыгъэхэу гъэзетэу «Единствэм» къыщыхаутыгъэхэр;
— Кощхьэблэ районым икъэбарлъыгъэIэс гупчэ зыкI ипащэ игуадзэу ЕмыкI Аллэ Бислъан ыпхъум истатьяу «Когда работа в удовольствие» зыфиIоу гъэзетэу «Кошехабльские вести» къихьагъэр (N 9, 09.02.2022).
Теле-, радиокъэтынхэмкIэ журналистикэм ылъэныкъокIэ Адыгэ Республикэм и ЛIышъхьэ ишIухьафтын зыфэгъэшъошагъэмэ хъунэу журналист IофшIэгъи 3 къагъэлъэгъуагъ:
— Адыгэ Республикэм ия 100-рэ илъэс фэгъэхьыгъэ телевизионнэ фильмэу «Становление» зыфиIорэр, авторыр: Къэралыгъо телерадиокомпаниеу «Адыгеим» телевидениемкIэ итематическэ къэтынхэм якъулыкъу ипащэ игуадзэу Къудаикъо Алый Аслъан ыкъор, творческэ купым хахьэхэрэр: режиссерхэр Ступкина Оксана Николай ыпхъур, ЕмкIуж Андзор Сэрабый ыкъор, видеоинженерыр Ефимова Ольга Игорь ыпхъур. Эфирым къызихьагъэр 27.07.2022;
— адыгэ модельер цIэрыIоу СтIашъу Юрэ зыхэлэжьэгъэ радиокъэтынэу «Нэплъэгъу» зыфиIоу Адыгэ Республикэм ия 100-рэ илъэс ехъулIэу зэхащагъэр, авторыр — радиокъэтынхэмкIэ къулыкъум икорреспондентэу Бэгъушъэ Фатим Исмахьилэ ыпхъур. Эфирым къызихьагъэр 23.09.2022;
— культурэ-просветительскэ къэтынхэу «IэпэIас» зыфиIохэрэр, авторыр — Къэралыгъо телерадиокомпаниеу «Адыгеим» тематическэ къэтынхэмкIэ икъулыкъу икъэтынхэр зезыщэу Нэгъэрэкъо Саниет Салмэн ыпхъур. Эфирым къызихьагъэхэр 19.10.2022, 12.07.2022, 21.06.2022, 09.08.2022, 17.07.2022.
Комиссием ипредложениехэу шIухьафтынхэр афэгъэшъошэгъэнхэм ехьылIагъэхэр мы илъэсым тыгъэгъазэм и 1-м нахь мыгужъоу Адыгэ Республикэм и ЛIышъхьэ IэкIагъэхьащтых.