«АГУ-Адыиф» Мыекъуапэ — «Астраханочка» Астрахань — 27:33 (13:15).
ШэкIогъум и 20-м АР-м испорт Унэшхоу Кобл Якъубэ ыцIэ зыхьырэм щызэдешIагъэх.
«АГУ-Адыиф»: къэлэпчъэIутхэр: Якупова, Баскакова; ешIакIохэр: Краснокутская, Никулина — 4, Кириллова — 5, Морозова — 3, Мещерякова, Вигуржинская — 1, Къэбж, Куцевалова — 3, Казиханова — 3, Голунова — 2, Краснова — 4, Кожубекова — 2.
Суперлигэм хэт гандбол командэ анахь лъэшхэм «Астраханочкэр» ащыщ. «Адыифым» зэIукIэгъур дэгъоу ригъэжьагъ. С. Морозовам хъагъэм Iэгуаор редзэ — 11:10. Д. Никулинам пчъагъэм хегъахъо — 12:11. Я 23-рэ такъикъым Ю. Кожубековам тазыр дзыгъокIэ пчъагъэр зэрехъокIы — 13:12. Ащ ыуж хьакIэхэр «Адыифым» ыпэ ишъыгъэх.
«Астраханочкэр» псынкIэу ыпэкIэ илъыщтыгъ, тиухъумакIохэр зэбгырищыхэзэ хъагъэм Iэгуаор ридзэщтыгъ: 21:25, 22:26. ТиешIакIохэу Д. Казихановар къогъупэм, Т. Кирилловар гупчэм къащыхэщыщтыгъэх. Т. Кирилловам лъхъанчэу Iэгуаор ыдзызэ пчъагъэм зэрэхигъахъорэм тигъэгушIощтыгъ. А. Куцеваловар ошIэ-дэмышIэу къэлапчъэм дауи, пчъагъэр 26:30 хъугъэ, ау хьакIэхэм ешIэгъум къырыкIощтыр зыIэкIагъэкIыгъэп, зэкIэлъыкIоу тикъэлапчъэ Iэгуаор гъогогъуи 3 къыдадзагъ.
ЕплъыкIэхэр
— «Адыифым» текIоныгъэр къыдимыхыгъэми, иешIакIэ зэрэхигъахъорэр зэнэкъокъум къыщылъэгъуагъ, — къытиIуагъ тикомандэ итренер шъхьаIэу Александр Реввэ.
ТиешIэкIо анахь дэгъухэм ащыщэу Кобл Зурет залым чIэсэу зэнэкъокъум еплъыгъ, ылъакъо хъужьыгъэгоп. Алиса Дворцеваяр сымаджэхэм къахэхъуагъ, врачхэр ыIэ къеIазэх.
ЕшIэгъухэр
«Звезда» — «Балтийская заря» — 41:31, «Лада» — «Астраханочка» — 21:23, «Ставрополье» — «Кубань» — 27:26, «Университет» — «Динамо» — 22:28, «Феникс» — ЦСКА — 22:38, «Звезда» — ЦСКА — 29:31, «Кубань» — «Астраханочка» — 27:30.
ЧIыпIэхэр
1. ЦСКА — 22
2. «Лада» — 20
3. «Ростов-Дон» — 20
4. «Звезда» — 18
5. «Астраханочка» — 18
6. «Кубань» — 12
7. «Динамо» — 11
8. «Ставрополье» — 10
9. «Университет» — 10
10. «Феникс» — 9
11. «Луч» — 4
12. «АГУ-Адыиф» — 2
13. «Балтийская заря» — 2.
ШэкIогъум и 25-м «Адыифыр» Волгоград, и 27-м Астрахань ащешIэщт.