ШэкIогъум и 25-м сыхьатыр 1-м Адыгэ къэралыгъо университетым ипчъэхэр мы апшъэрэ еджапIэм чIахьэхэ зышIоигъохэм къафызэIуихыщтых. Ар еджапIэм хабзэ щыхъугъэу, илъэс къэс кIэлэеджакIохэр, ахэм янэ-ятэхэр къырегъэблагъэх.
Апшъэрэ еджапIэм ичIэхьан епхыгъэу кIэу къыхэхьащтхэм, чIахьэхэ зыхъукIэ ушэтынэу атыщтхэм, апшъэрэ еджапIэм къытырэ сэнэхьатхэм, къычIэкIыхэрэм Iоф зыщашIэн алъэкIыщтым, стипендиехэм ыкIи нэмыкIхэм атегущыIэщтых. Ащ ыуж университетым ихьакIэхэр факультетхэм нэIуасэ афашIыщтых, сэнэхьатэу къыхахыщтым епхыгъэ къэбархэм ащагъэгъозэщтых.