Япчъагъэ ренэу хэхъо

Адыгеим щыпсэухэрэм къащэфырэ автомобильхэм япчъагъэ ренэу хэхъо. Къэлэ гупчэм игъогухэм ахэр нахьыбэу ащэзекIох, чэщырэ гъогубгъухэр зэкIэ зэлъаубытых.

Автомобиль тхьапша респуб­ликэм итыр? Мы упчIэм иджэуап къыретыжьы Краснодарстатым икъутамэу Мыекъуапэ щыIэм. Ащ къызэрэщаIуагъэмкIэ, 2021-рэ илъэсым ехъулIэу рес­публикэм автомобиль мин 243,7-рэ итыгъ. 2010-рэ илъэсым егъэпшагъэмэ, процент 96,5-рэ къыхэхъуагъ.

ИкIыгъэ илъэсым автомобиль транспорткIэ республикэм тонн миллионипшIым ехъу щызэращагъ, ащ щыщэу проценти 3,5-р унэе предпринимательхэм ателъытагъ. Къалэм нахьыбэу цIыфхэр зезыщэрэ транспортыр щагъэфедэ. ИкIыгъэ илъэс за­къом ащ фэдэ транспортымкIэ нэбгырэ миллиони 4,4-рэ зэращагъ.