Банкым исчет етыгъуагъ

Тэхъутэмыкъое районым ит къуаджэу Щынджые щыпсэурэ зыныбжь имыкъу­гъэм зыгорэм имылъкоу банк счетым илъыгъэр къызэритыгъугъэм фэшI УФ-м и Следственнэ комитет ислед­ственнэ ГъэIорышIапIэу АР-м щыIэм и Тэхъутэмыкъое следственнэ отдел уголовнэ Iофэу къызэIуихыгъэр ыкIэм фэкIуагъ.

Следствием зэригъэунэфыгъэмкIэ, 2022-рэ илъэсым шышъхьэIум Тэхъутэмыкъуае дэт общественнэ чIыпIэ горэм дэжь Iэтахъом мобильнэ телефоныр къыщигъо­тыгъ ыкIи зыпарэми макъэ римыгъэIоу ежь зыIэкIигъэхьагъ. Телефоным пышIэгъэ банкым икартэ ахъщэ зэрилъыр къызешIэм, мобильнэ банкыр къызфигъэфедэзэ ащ илъыгъэ сомэ мини 8 хъурэр инэIуасэ горэм икартэ ригъэхьагъ ыкIи ахъщэр ежьхэр зыфаем пэIуагъэхьагъ.

Щынджые щыщ Iэтахъом къыфызэIуахыгъэ уголовнэ Iофыр хьыкумым фагъэхьыгъ.