ЗэкIэлъыкIоу текIоныгъиплI

«Зэкъошныгъ» Мыекъуапэ — «Спартак» Налщык — 1:0 (0:0).
ШэкIогъум и 13-м АР-м истадион щызэдешIагъэх.

«Зэкъошныгъ»: Ковалев, Кириленко, Гусенгаджиев, Лысенко, Телепов, Къонэ, Макоев (Крылов, 90), Орзай, Пекъу, А. Делэкъу, Iащэ (Мелкандуев, 74).
Къэлапчъэм Iэгуаор дэзыдзагъэр: Къонэ — 64.

Зэкъош республикэхэм яфутбол командэхэм язэIукIэгъу уеп­лъынкIэ гъэшIэгъоныгъэ. А. Iащэр, А. Къонэр, А. Делэкъор, нэмыкI­хэри апэкIэ илъыхэзэ, «Спартак» иухъумакIохэр агъэгумэкIыщтыгъэх. А. Iащэр къэлапчъэм пэблагъэу Iэгуаор къызыратым, шъхьэ­кIэ еонэу амалышIу иIагъ, ау «Спартак» икъэлэпчъэIутэу А. Си­укаевыр ыпэкIэ къылъыкIуа­ти, Iэгуаор IэкIэ къызэкIидзагъ.

«Зэкъошныгъэр» ыпэкIэ илъыгъэу А. Орзаим къытыгъэ Iэгуаом А. Къонэр лъычъи, метри 3 фэдизкIэ зыпэчыжьэ къэлапчъэм дидзагъ — 1:0.

«Спартак» итренер шъхьаIэу Хь. Биджиевым ешIэкIуи 3 зы уахътэм зэблихъугъ. ХьакIэхэр нахьыбэрэ апэкIэ къылъыкIуа­тэхэу фежьагъэх. Ухъумэн Iо­фы­гъо­хэр «Зэкъошныгъэм» дэгъоу ыгъэцакIэхэзэ, ошIэ-дэмышIэу ыпэкIэ илъыщтыгъ. ТекIоныгъэм икъыдэхын фэбэнагъ.

Пресс-зэIукIэр

— ЕшIэгъум пэшIорыгъэшъэу зыфэдгъэхьазырыгъ, — къыIуагъ «Зэкъошныгъэм» итренер шъхьа­Iэу ШакIо Ащэмэз. — ТиешIа­кIохэм лъэкIэу яIэр зэIукIэгъум къыщагъэлъэгъуагъ, лъэшэу сафэраз. Аужырэ ешIэгъуиплIэу Мыекъуапэ щытиIагъэмэ текIоныгъэр къащыдэтхыгъ.

СКА Ростов-на-Дону, «Легион» Махачкала, «Ессентуки» Ессентуки, «Спартак» Налщык «Зэкъош­ныгъэр» атекIуагъ.

«Спартак» итренер шъхьаIэу Хь. Биджиевым ешIэгъум кIуа­чIэхэр щызэфэдагъэхэу ылъы­тагъ. «Спартак» очкоуи 3 зэрэчIинагъэр ыгу къеуагъ. УхъумакIохэм хэукъоныгъэу ашIыгъэр А. Къонэм зэригъэфедагъэр къыхигъэщыгъ.

КIэуххэр

Я 18-рэ ешIэгъухэм якIэуххэр зэфэтэхьысыжьых.

«Алания-2» — «Ротор» — 1:3, «Кубань Холдинг» — «Биолог» — 1:2, СКА – «Мэщыкъу» — 2:0, «Динамо» — «Чайка» — 0:0, «Черноморец» — «Ессентуки» — 2:1, «Легион» — «Форте» — 0:1.

Хэт тыдэ щыIа?

1. «Черноморец» — 45
2. «Чайка» — 40
3. «Ротор» — 37
4. «Биолог» — 35
5. «Форте» — 31
6. «Кубань Х.» — 28
7. «Спартак» — 26
8. СКА – 24
9. «Зэкъошныгъ» — 21
10. «Динамо» — 18
11. «Легион» — 13
12. «Мэщыкъу» — 13
13. «Алания-2» — 11
14. «Ессентуки» — 5.

Я 19-рэ ешIэгъухэр ятIонэрэ купым 2023-рэ илъэсым гъэтхапэм и 11-м щызэхащэщтых. «Зэкъошныгъэр» Волгоград щы­IукIэщт чIыпIэ командэу «Ротор» зыфиIорэм.