«Спартак» IукIэщт

«Форте» Таганрог — «Зэкъошныгъ» Мыекъуапэ — 2:1 (2:0).
ШэкIогъум и 9-м Таганрог щешIагъэх.

«Зэкъошныгъ»: Хьачыр, Кириленко, Гусенгаджиев (Пекъу, 72), Телепов, Датхъужъ (Крылов, 65), Къонэ (Iащэ, 65), Байрамян (Лысенко, 32), Макоев (Малкандуев, 65), Васильев, Орзай, А. Делэкъу.
Къэлапчъэм Iэгуаор дэзыдзагъэхэр: Ма­шезов — 24, Володкин — 33, «Форте». А. Делэкъу — 89, «Зэкъошныгъ».

А. Макоевыр, А. Датхъужъыр, нэмыкIхэри «Форте» икъэлапчъэ дэуагъэх, ау хъагъэм Iэгуаор радзэн алъэкIыгъэп. В. Ва­сильевым метрэ 25-рэ фэдизкIэ ыпэкIэ ытыгъэ Iэгуаор А. Делэкъом къызыфигъэфеди, метрибл фэдизкIэ зыпэчыжьэ къэлапчъэм дидзагъ.

Тренер шъхьаIэу ШакIо Ащэмэз ешIакIохэр зэблихъухэзэ «Зэкъошныгъэр» нахьышIоу зэнэкъокъум зэрэхэлэжьэщтым пылъыгъ. ТекIоныгъэр къыдамыхыгъэми, бысымхэм яухъумакIохэр бэрэ агъэгумэкIыгъэх. Ти­къэ­лэпчъэIутэу Хьачыр Тамерлан цыхьэшIэгъоу ешIагъ.

ЗэIукIэгъухэр

«Биолог» — «Мэщыкъу» — 3:0, «Ессентуки» — «Легион» — 0:7, «Спартак» — «Алания-2» — 0:0, СКА — «Динамо» — 1:1, «Чайка» — «Черноморец» — 1:2, «Ротор» — «Кубань Холдинг» — 1:0.

Я 18-рэ ешIэгъухэр
13.11.
«Алания-2» — «Ротор»
«Динамо» — «Чайка»
«Кубань Х.» — «Биолог»
«Легион» — «Форте»
СКА — «Мэщыкъу»
«Черноморец» — «Ессентуки»
«Зэкъошныгъ» — «Спартак»

«Черноморец» апэрэ чIыпIэм фэбанэ. «Зэкъошныгъэм» ащ фэдэ мурад имыIэми, «Спартак» Налщык дэгъоу дешIэнэу зегъэ­хьазыры. Зэкъош республикэхэм яфутбол командэхэм зэнэкъокъум сыд фэдэ чIыпIэр щаIыгъыми, язэIукIэгъухэр гъэшIэгъонэу ма­кIох. Футболыр зыгу рихьыхэрэр зэнэкъо­къум еплъынхэу зэхэщакIохэм рагъэблагъэх.

Адыгэ Республикэм истадион зэIукIэгъур шэкIогъум и 13-м, мафэм сыхьатыр 3-м щырагъэжьэщт. Я 19-рэ ешIэгъухэр 2023-рэ илъэсым, гъатхэм яIэщтых.