Адыгеим къэралыгъо гъэпсыкIэ зиIэр илъэси 100 зэрэхъугъэм ыкIи лъэпкъ зыкIыныгъэм и Мафэ афэгъэхьыгъэ мэфэкI Iофтхьабзэхэу зэхащэхэрэм къадыхэлъытагъэу мультипликационнэ фильмэу «Татэ иушъыйхэр» зыфиIорэм лъэтегъэуцо фашIыгъ. ЦIыфхэм агухэм шIу арылъэу, яшIуагъэ къагъакIоу псэунхэм мультфильмэм уфегъасэ. Хьэрамыгъэ зимыIэу, зыгу къабзэу, шIу щэхъу имылъэу щыIэшъурэр, пхэндж зекIуакIэм зыщызыухъумэрэр ары насыпышIо хъурэр. Джары мы IэшIагъэм купкIэу иIэр. АдыгабзэкIи урысыбзэкIи мультфильмэр къыдэкIыгъ.
Мультфильмэм игъэхьазырын дэлэжьагъэхэр Адыгэ Республикэм культурэмкIэ и Министерствэрэ лъэпкъ культурэм и Гупчэрэ. Урысыем илъэпкъхэм якультурнэ кIэн и Илъэсэу рекIокIырэмрэ АР-м икъэралыгъо программэу «Культурэм хэхъоныгъэ егъэшIыгъэныр» зыфиIорэмрэ зэрагъэцакIэрэм яшIуагъэкIэ ар ашIышъугъ. Мультфильмэр адыгэ пшысэхэм атехыгъэу щыт.
Къызэрэжъугъотыщтыр:
https://cloud.mail.ru/public/YUkA/ 9yAgXpmwU урысыбзэкIэ,
https://cloud.mail.ru/public/57Qw/ri3h XPA3m адыгабзэкIэ.