Зэнэкъокъум къыхэзыгъ

«АГУ-Адыиф» Мыекъуапэ — «Ставрополье» Ставрополь — 19:23 (10:10).

«Адыиф»: къэлэпчъэIутхэр: Якупова, Баскакова; ешIакIохэр: Никулина — 2, Кириллова — 1, Морозова — 1, Къэбж — 1, Куцевалова — 1, Казиханова — 6, Дворцевая — 2, Краснова — 3, Кожубекова — 2, Мецерякова, Вигуржинская.

Урысыем гандболымкIэ и Кубок къыдэхыгъэным хэхьэрэ ешIэгъоу финалым и 1/16-м ­командэхэр щызэнэкъокъугъэх. ЗэIукIэгъум ия 2-рэ едзыгъо «Ставропольер» нахь дэгъоу щешIагъ. Пчъагъэм текIоныгъэр зыхьыщтыр къыгъэлъагъощтыгъ: 12:16, (13:21). Д. Казихановар ухъумакIохэм аIэкIэкIызэ хъагъэм зэкIэлъыкIоу гъогогъуитIо Iэгуаор ридзагъ. З. Къэбжым метрибл тазыр дзыгъор зегъэцакIэм, шIыкIэу «Парашютыр» дахэу ыгъэфедагъ. Пчъагъэр 17:21, 19-22-рэ зэхъум, «Адыифыр» текIоныгъэм пэчыжьагъэп, ау хьакIэхэм ухъумэн Iофыгъохэр дэгъоу зэшIуахыгъэх.

«Адыифыр» Кубокым фэгъэ­хьыгъэ зэнэкъокъум къыхэзыгъ, суперлигэм щыкIорэ зэIукIэгъухэм ахэлэжьэщт: «Ставропольем» къыхэщыгъэхэр: Бельчи-кова — 6, Мехедова — 4, Зотина — 4.

— ЕшIакIохэу Дворцеваям, Вигуржинскаям, Куцеваловам, Коблым, Колодяжнаям «Адыифым» къагъэзэжьыгъ, зэIукIэгъу­хэм шIэхэу ахэлэжьэщтых. Кобл Зурет шъобжыр шIэхэу ыгъэхъу­жьыщт, — къытиIуагъ тренер шъхьаIэу Александр Реввэ.

ШэкIогъум и 12-м «Адыифыр» «Балтийская заря» Санкт-Петербург Мыекъуапэ щыIукIэщт.