Непэ Адыгэ Республикэм и Къэралыгъо филармоние адыгэ культурэм и Мафэ щыкIощт.
Iофтхьабзэм къыдыхэлъытагъэх адыгэ творческэ купхэм яконцерт, Iэпэщысэхэм якъэгъэлъэгъонэу тиIэпэIасэхэм къагъэхьазырыгъэр, мэфэкI шхыныгъохэу хьакIэхэм зэрапэгъокIыщтхэр.
МэфэкIым хэлажьэ зышIоигъо пстэури зэхэщакIохэм къырагъэблагъэ, ыпкIэ хэмылъэу чIагъэхьащтых. Пчыхьэм сыхьатыр 4-м Iофтхьабзэр рагъэжьэщт.