Техническэ реабилитационнэ амалхэу (ТСР) сэкъатныгъэ зиIэ цIыфхэм агъэфедэхэрэр джы электроннэ сертификатхэмкIэ зэрагъэгъотынхэ алъэкIыщт.
Ахэм ахахьэхэрэр: курэжъыехэр, бэщхэр, протезхэр, зэрэзэхахырэ аппаратхэр, хьэхэм апшъэхэм апалъхьэхэрэр. Сэкъатныгъэ зиIэ цIыфхэм мы техническэ пкъыгъохэр къэралыгъом имылъкукIэ къафещэфы.
Электроннэ сертификатыр джы шIыкIакIэу къежьагъ, ветеранхэр ыкIи сэкъатныгъэ зиIэхэр ащ рыщэфэнхэ алъэкIыщт. Ар реестрэм хэтхагъ ыкIи картэу «Мир» зыфиIорэм епхыгъ. ЯщыкIэгъэ техническэ амалыр къызэращэфыщт ахъщэр а картэм къафырагъахьэ.
Сертификатым шIуагъэу пылъыр:
✔ уиахъщэ хэмылъхьэу ыкIи компенсацием уемыжэу уищыкIэгъэ ТСР-р ащ къырыпщэфын плъэкIыщт
✔ цIыфым ежь нахь къекIущтэу ылъытэрэ пкъыгъор къыхихыщт, интернет-тучаным е нахь къыпэблэгъэ щапIэм къыщищэфынкIэ Iэрыфэгъу.
Сыда сертификатым итыр?
✔ техническэ амалхэу къащэфын алъэкIыщтхэм ятеплъ ыкIи япчъагъ
✔ анахь осэ лъапIэу зы пкъыгъом иIэр
✔ пIалъэу зэрагъэфедэн алъэкIыщтыр
Сыдэущтэу а сертификатыр зэрагъэгъотыщта?
✔ къэралыгъо фэIо-фашIэхэм япортал (@gosuslugi) IэпыIэгъу къышъуфэхъущт.
✔гущыIэм пае, шъуищыкIэгъэ техническэ амалыр тучанхэм ачIэшъумыгъотагъэмэ, сертификатыр зэкIэжъугъэкIожьын шъулъэкIыщт.