Тишъолъыр электроэнергиер щаIэкIэзыгъэхьэрэ ПАО-у «ТНС энерго Кубань» Iофтхьабзэу «Электронная квитанция — это экоЛогично» зыфиIорэр пхырещы.
Ащ ухэлэжьэныр къызэрыкIоу щыт: фэIо-фашIэр зыщагъэцэкIэрэ офисым укIонышъ, электроннэ квитанциер ябгъэшIымэ, шIухьафтынэу «зыхэхъорэ» карандаш къыуатыщт.
Ар итеплъэкIэ къызэрыкIоу щыт: урытхэн, сурэт рыпшIын, пыуупсыкIын олъэкIы. Карандашыр бгъэфедэгъахэмэ е уезэщыгъэмэ, чIыгум хэбгъэтIысхьанышъ, чъыг къэбгъэкIын плъэкIыщт.
Сыда пIомэ ащ ыкIоцI къэкIырэ зэфэшъхьафхэу акацэм, сиреным, щыбжьыим, нэмыкIхэми акIэхэр итэкъуагъэх. ЧIыопсым икъызэтегъэнэнкIэ джащ фэдэ шIыкIэ компанием къыхихыгъ.
Нэбгырэ мин 286-мэ нахь Iэрыфэгъоу алъытагъ квитанциехэр электроннэ почтэмкIэ къафэкIонхэр. А шIыкIэм шъутехьан зыщышъулъэкIыщтыр: компанием иофициальнэ сайтэу kuban.tns-e.ru, унэе кабинетыр, мобильнэ едзыгъоу «ТНС энерго» зыфиIорэр, компанием иофисхэр.