Хэгъэгум баскетболымкIэ и Кубок къыдэхыгъэным фэгъэхьыгъэ пэшIорыгъэшъ ешIэгъухэр къалэу Ессентуки щыкIуагъэх.
Урысыем изэнэкъокъоу апшъэрэ лигэм иятIонэрэ куп хэт командэхэр зэдешIагъэх. Мыекъопэ «Динамо-МГТУ-м» зэIукIэгъуи 3 иIагъ.
Зэтэгъапшэх
«Динамо-МГТУ» — РГЭУ Ростов-на-Дону — 65:84 (15:16, 15:24, 20:25, 15:19).
«Динамо» Ставрополь — «Динамо-МГТУ» — 79:62 (13:14, 20:24, 22:6, 24:18).
«Динамо-МГТУ» — «Самара» — 74:69 (22:14, 17:13, 19:20, 16:22).
— ТиешIэкIо нахь ныбжьыкIаIохэр зэIукIэгъухэм ахэлэжьагъэх, яухьазырыныгъэ тыуплъэкIугъэ. Урысыем изэнэкъокъу зыфэдгъэхьазырыщт, — къытиIуагъ Мыекъопэ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Андрей Синельниковым.
Хэгъэгум и Кубок фэгъэхьыгъэ ешIэгъухэм «Динамо-МГТУ-р» къахэзыгъ, Урысыем иапшъэрэ куп щыкIощт зэнэкъокъум хэлэжьэщт.
Чъэпыогъум и 24 — 25-м хэгъэгум баскетболымкIэ изэнэкъокъу рагъэжьэщт — «Динамо— МГТУ-м» иапэрэ зэIукIэгъухэр къалэу Чебоксары щыкIощтых.