«ЖъоныгъуакIэм къыщегъэжьагъэу шышъхьэIум ыкIэм нэс тикъэралыгъо зыщызыгъэпсэфыгъэхэм япчъагъэ миллион 25-м ехъугъ, ар икIыгъэ илъэсым зекIо щыIагъэхэм анахьыб», — къыIуагъ Ростуризмэм ипащэу Зарина Догузовам.
Темыр Кавказым зыщаплъыхьанэу ыкIи зыщагъэпсэфынэу къакIохэрэми къахэхъуагъ. Джы къушъхьэхэм къызщячъэхыхэрэ уахътэр къэсы, ащ къыхэкIэу хьакIэщхэм яномерхэр пэшIорыгъэшъэу зэрагъэнафэрэр фэдитIу-щыкIэ нахьыбэ хъугъэ. ЗекIо кешбэкми ишIуагъэ къэкIуагъ.
Заринэ къызэриIуагъэмкIэ, шышъхьэIум и 25-м къыщегъэжьагъэу кешбэкыр зигъусэ турхэу цIыфхэм ащэфыгъэхэм сомэ миллиарди 8,8-рэ атефагъ, ащ щыщэу сомэ миллиардищ зекIохэм къаратыжьыгъ.
Шъаукъо Аслъангуащ.