Адыгеим икъалэу Мыекъуапэ идзэ комиссариат илъэс 18-м къыщегъэжьагъэу илъэс 59-рэ мэзэ 11-м нэс зыныбжь хъулъфыгъэхэу Урысые Федерацием и УIэшыгъэ КIуачIэхэм къулыкъур ащызыхьыгъэхэу ыкIи джащ фэдэу аныбжьыкIэ дзэ къулыкъур ахьынэу къызтефэхэу гурыт профессиональнэ ыкIи апшъэрэ гъэсэныгъэ зиIэхэу контрактым тетэу къулыкъур зыхьы зышIоигъохэр къыхехых.
ЫпэкIэ япсауныгъэ изытет елъытыгъэу дзэ къулыкъур амыхьынэу фитыныгъэ къызэратыгъагъэхэм джы япсауныгъэ изытет зарагъэуплъэкIукIэ ыкIи къулыкъур ахьымэ хъунэу тхылъ къызаратыкIэ контракт адашIын алъэкIыщт.
Советскэ Союзым и ЛIыхъужъэу Андырхъое Хъусен ыцIэкIэ щыт Мыекъопэ хэушъхьафыкIыгъэ артиллерийскэ дивизионым къулыкъум ащэщтхэр къыщыхахыщтых. Мэзи 3-м къыщегъэжьагъэу ипIалъэу апэрэ контрактыр адашIын алъэкIыщт.
Дзэ къулыкъур зыхьыщтхэм сомэ мини 190-м ехъу къаратыщт. Урысые Федерацием и УIэшыгъэ КIуачIэхэм контрактым тетэу къулыкъур ащызыхьыхэрэм социальнэ IэпыIэгъоу аратырэмрэ фэгъэкIотэныгъэу яIэхэмрэ афэдэхэр джы контрактым тетэу къулыкъур зыхьыщтхэми яIэщтых.
Ащ нэмыкIэу Адыгэ Республикэм ипащэхэми кIэгъэгушIун тедзэхэр ахэм афашIыщтых, Хъ. Андырхъуаем ыцIэкIэ щыт подразделением контрактыр ащыдэзышIыщтхэм сомэ мини 100 афытырагъэхъощт.
Ахъщэр зыфэдизыщтыр: рядовойхэм (матросхэм) — сомэ мин 200-м къыщегъэжьагъэу ыкIи ащ нахьыбэу; сержантхэм (старшинэхэм) — сомэ мин 230-м къыщегъэжьагъэу; прапорщикхэм (мичманхэм) — сомэ мин 250-м къыщегъэжьагъэу.
Контрактым тетэу дзэ къулыкъур зыхьыщтхэм ащыщхэу гъэхъагъэ хэлъэу зипшъэрылъхэр зыгъэцакIэхэрэм а къэтпчъыгъэхэм анэмыкIэу етIани ахъщэ тедзэ аратыщт.
Къэбарыр нахь игъэкIотыгъэу къызIэкIэзыгъахьэ зышIоигъохэм мыщ фэдэ чIыпIэм зыфагъэзэн алъэкIыщт: къ. Мыекъуапэ, ур, Комсомольскэр, 217-р, каб. 102-р ыкIи 119-р. Телефонхэр: 52-64-38, 52-11-27, 8-928-669-13-70, 8-928-473-10-67, 8-938-552-36-10, 8-961-819-83-40.
Чэщи мафи зэпытэу шъуафытеон шъулъэкIыщт.