Адыгэ Республикэм хэдзынхэмкIэ и Гупчэ комиссие зичэзыу зэхэсыгъо тыгъуасэ иIагъ. Ащ пэщэныгъэ дызэрихьагъ АР-м и ЦИК и Тхьаматэу Сэмэгу Нурбый.
Зэхэсыгъом IофыгъуитIумэ щахэплъагъэх. Тэхъутэмыкъое районымкIэ зы мандат зиIэ хэдзыпIэ коеу N 2I-мкIэ Адыгэ Республикэм и Къэралыгъо Совет — Хасэм идепутат ихэдзын тедзэхэу щыIагъэхэм текIоныгъэ къащыдэзыхыгъэ депутатым итхынрэ Адыгеим и Къэралыгъо Совет — Хасэм и Щытхъу тхылъ афэгъэшъошэгъэнымрэ.
Адыгеим хэдзынхэмкIэ и Гупчэ комиссие унашъоу ышIыгъэм диштэу Тэхъутэмыкъое районымкIэ зы мандат зиIэ хэдзыпIэ коеу N 21-мкIэ хэдзынхэу щыIагъэхэм ащытекIогъэ ПщыукI Алый депутат зэрэхъугъэр къэзыушыхьатырэ тхылъыр ратыжьыгъ.
Мыщ епхыгъэ унашъор АР-м хэдзынхэмкIэ и Гупчэ комиссие хэтхэм аштагъ.
КIАРЭ Фатим.