КIэухыр хырыхыхьэм фэд

«Зэкъошныгъ» Мыекъуапэ — «Ротор» Волгоград — 3:3 (1:0).
Iоныгъом и 3-м Мыекъуапэ щызэдешIагъэх.

«Зэкъошныгъ»: Хьачыр, Кириленко, Хъуа­кIо, Гусенгаджиев, Лысенко, Датхъужъ,
Къо­нэ, Крылов (Малкандзиев, 77), Макоев, Ва­сильев, Орзей.
Къэлапчъэм Iэгуаор дэзыдзагъэхэр: гусенгаджиев — 33, Малкандзуев — 85, датхъужъ — 90, «Зэкъошныгъ». Козлов — 80, 89, Ахмедханов 90+6.

Хырыхыхьэм фэдэу ешIэгъур кIуагъэ. Я 33-рэ такъикъым А. Къонэм «Ротор» икъэлапчъэ пэблагъэу Iэгуаор ытыгъ. ХьакIэхэм яухъумакIо Iэгуаор къызэкIидзэжьынэу игъо ифагъ. Метрэ 16 фэдизкIэ къэлапчъэу зыпэчыжьэм Гусенгаджиевыр дауи, хъагъэм Iэгуаор ридзагъ — 1:0. «Ротор» иешIакIоу Козловыр метри 6-кIэ тикомандэ икъэлапчъэ пэчыжьэу къыдауи пчъагъэр 1:1 хъугъэ. А. Датхъужъым ыпэкIэ ытыгъэ Iэгуаор Малкандзуевым къызыфигъэфеди, метри 6-кIэ зыпэчыжьэ къэлапчъэм Iэгуаор дидзагъ — 2:1. Козловым икIэрыкIэу «Зэкъошныгъэм» икъэлапчъэ Iэгуаор дидзагъ — 2:2. ЗэIукIэгъур аухынымкIэ зы такъикъ къэнагъэр.

Датхъужъ Адам я 90-рэ такъикъым пчъа­гъэм хигъэхъуагъ. Судьям ешIэгъу уахътэм такъикъи 5-м ехъу хигъэхъуагъ. Аужырэ та­къикъым «Ротор» иешIакIоу Ахмедхановым «Зэкъош­ныгъэм» икъэлапчъэ Iэгуаор дидзагъ — 3:3.

ЕплъыкIэхэр

— «Ротор» апэрэ купым хэхьаным фэбанэ, — къытиIуагъ «Зэкъошныгъэм» итренер шъхьаIэу ШакIо Ащэмэз. — ЯтIонэрэ купым хэт командэ анахь лъэшхэм ащыщ. «Зэкъош­ныгъэр» дэгъоу ешIагъ, текIоныгъэр къыдихыным пэблэгъэгъагъ. Мыекъуапэ имэфэкI мафэ тиешIэгъу фэтэгъэхьы. «Зэкъошныгъэм» хэтхэм гуетыныгъэ ахэлъ, яIэпэIэсэныгъэ ха­­гъахъо. Футболыр зышIогъэшIэгъонхэу къыт­фэгумэкIыхэрэр дгъэгушIонхэм тыпылъ.

Я 7-рэ зэIукIэгъухэр

«Алания-2» — «Биолог» — 1:1, «Легион». — «Спартак» — 0:2, «Кубань Холдинг» — «Мэщыкъу» — 5:2, «Динамо» Ст-«Ессентуки» — 0:0, «Черноморец» — «Форте» — 2:2, СКА — «Чайка» — 0:1.
ЧIыпIэу
зыдэщытхэр
1. «Чайка» — 18
2. «Ротор» — 16
3. «Биолог» — 14
4. «Кубань Х.» — 12
5. «Форте» — 11
6. «Черноморец» — 11
7. «Спартак» — 11
8. СКА — 9
9. «Динамо» Ст — 7
10. «Зэкъошныгъ» — 6
11. «Алания-2» — 5
12. «Легион»-4
13. «Ессентуки» — 4
14. «Мэщыкъу» — 3.
Я 8-рэ ешIэгъухэр
9.09
«Ессентуки» — СКА
10.09
«Кубань Х» — «Алания-2»
«Форте» — «Динамо»
«Мэщыкъу» — «Чайка»
«Ротор» — «Легион»
«Спартак» — «Черноморец»
«Зэкъошныгъ» — «Биолог».