«Черноморец» лъэкIуатэ

«Черноморец» Новороссийск — «Зэкъошныгъ» Мыекъуапэ — 2:0 (1:0).
ШышъхьэIум и 31-м Новороссийскэ щызэдешIагъэх.

«Зэкъошныгъ»: Ковалев, Кириленко, Миндадзе, Телепов, Байрамян, Хьасанэкъу, Пекъу, Антоненко (Макоев, 66), Малкандиев, Шустов, Шъхьэлахъо.

Къэлапчъэм Iэгуаор дэзыдзагъэхэр: Гречкин — 31, Антонов — 76.

Урысыем и Кубок къыдэхыгъэнымкIэ финалым и 1/128-м щызэIукIагъэх футбол командэхэр. «Черноморец» 2:0-у текIоныгъэр къыдихыгъ, зэнэкъокъум щылъыкIотагъ. «Зэкъошныгъэр» Кубокым фэбанэхэрэм къахэзыгъ.

Хэгъэгум футболымкIэ изэнэкъокъоу ятIонэрэ купым щыкIорэм «Зэкъошныгъэр» тапэкIи хэлэжьэщт. Iоныгъом и 3-м тикомандэ «Ротор» Волгоград Мыекъуапэ щыIукIэщт.