Тхьаусыхэрэр нахьыбэ хъугъэ

2022-рэ илъэсыр къызихьагъэм къыщегъэжьагъэу мэкъуогъу мазэм ыкIэм нэс пштэмэ, Адыгеим щыпсэухэрэм ятхьаусыхэ тхылъ 400-м ехъу Урысые Банкым IукIагъ.

Финансхэм апылъ организациехэр ары ахэр зэкIэ зыфэгъэхьыгъэр. БлэкIыгъэ 2021-м ащ фэдэ иуахътэ тхылъэу атыгъагъэм нахьи процент 47-кIэ ар нахьыб.

Урысыем санкциеу ­къытыралъхьагъэхэр ары анахьэу мы лъэныкъомкIи зиягъэ къэкIуагъэр. Банкым тхьаусыхэ тхы­лъэу фагъэхьыгъэм иябгъо­нэрэ пэпчъ санк­циехэм япхыгъ. Ахъщэ IэкIыбым агъэхьыныр ­къин зэрэхъугъэр е IэкIыб къэрал ахъщэр Урысыем иахъщэкIэ зэрамы-хъо­жьышъурэр ары ахэм къы­раIотыкIырэр.

ЧIыфэ зытырэ микрофинансовэ организациехэм апае тхьаусыхэ тхы­лъэу атырэм ипчъагъи процент 20-кIэ нахьыбэ хъугъэ. Кредитхэм ятынкIэ зэзэгъыныгъэу цIыфхэм адашIыхэрэм зэхъокIы­ныгъэхэр зэрафашIы­гъэхэр, нэмыкI фэIо-фа­шIэхэр къаигъагъэкIэ зэрарагъаштэхэрэр, интернет амалхэр агъэфедэзэ хъоршэрыгъэ зэрэзэра­хьэрэр ары нахьыбэу ахэм афэгъэхьыгъэ тхылъхэм арытхагъэр.

Страхование зышIы­хэрэм апае тхьаусыхэ тхы­лъэу Адыгеим щыпсэухэрэм атырэр процент 14-кIэ нахь макIэ хъугъэ. ОСАГО-м игъэпсын Iоф къызыпыкIэу нахьыбэм зигугъу къашIырэр. Урысые Банкым и Къутамэу АР-м и Лъэпкъ банк ипресс-къулыкъу къызэритыгъэмкIэ, зэзэгъыныгъэ къазэрадамы­шIырэр, электроннэ полисхэм ягъэпсын къин зэрэхъугъэр ары бэмэ къыхагъэщырэр.